O‘зbekiстон рeспublikaсi

MUQOBIL OVOZ BERISH 
— mojaritar tizimda qo‘llaniladigan ovoz berish usuli 
bo‘lib, bunda ko‘pchilik ovozni olgan nomzodga berilgan ovozgina hisobga olinadi. Bu tizim 
ovoz berishning natijaliligini oshiradi, chunki ikki, uch, to‘rt turli ovoz berishda birinchi 
turdayoq samara beradi. (3) 
MUQOBIL SAYLOV 
— shaxsni o‘zaro raqobatlashuvchi ikki yoki undan ortiq 
nomzodlar orasidan biror organga saylash. (3) 
OVOZ BERISH 
— saylov jarayoni bosqichlaridan biri. Bir yoki ikki turda o‘tkaziladi. 
Saylov byulletenini berish yoki maxsus ovoz berish mashinasidan foydalanib amalga oshiriladi. 
Ayrim mamlakatlar qonunida pochta orqali (Daniya, GFR, Irlandiya, Buyuk Britaniya) 
shuningdek, ishonchnoma bo‘yicha (Belgiya, GFR, Fransiya, YAponiya, Niderlandiya) ovoz 
berish mumkinligi nazarda tutilgan. O‘zbekiston Respublikasining “O‘zbekiston Respublikasi 
Oliy Majlisiga Saylov To‘g‘risida”gi qonuniga ko‘ra ovoz berish maxsus ajratilgan binolarda 
o‘tkazilib, bu binolarda yashirin ovoz berish uchun etarli miqdorda kabinalar yoki xonalar 
tayyorlangan bo‘lishi, saylov byulletenlari berish uchun joy ajratilgan va saylov qutilari 
qo‘yilgan bo‘lishi lozim. Saylov qutilari ularning yoniga ovoz beruvchilar albatta yashirin ovoz 
berish kabinalari yoki xonalaridan o‘tib boradigan qilib joylashtiriladi. Ovoz berish binosida 
boshqa hech qanday siyosiy tadbir o‘tkazilishiga ruxsat etilmaydi. Ovoz berish saylov kuni soat 
6 dan soat 20 gacha o‘tkaziladi. Ovoz berish vaqti va joyi to‘g‘risida uchastka saylov 
komissiyasi saylovga kamida o‘n kun qolganida saylovchilarni xabardor qiladi. O‘zbekiston 
Respublikasining xorijiy davlatlardagi vakolatxonalari huzurida, harbiy qismlarda, sanatoriylar 

---

92 
va dam olish uylarida, kasalxonalar va boshqa statsionar davolash muassasalarida, shuningdek 
olis va borish qiyin bo‘lgan erlardagi fuqarolar turgan joylarda tuzilgan saylov uchastkalarida, 
agar ro‘yxatga kiritilgan barcha saylovchilar ovoz berib bo‘lgan bo‘lsa, uchastka saylov 
komissiyasi istalgan vaqtda ovoz berish tugaganligini e’lon qilishi mumkin. Saylov kuni ovoz 
berish binosi uchastka saylov komissiyasi a’zolarining kamida uchdan ikki qismi hozir 
bo‘lgandagina ochiladi. Saylov komissiyasining raisi komissiya a’zolari hozirligida saylov 
qutisini muhrlaydi, saylov byulletenlari va saylovchilarning ro‘yxatlarini komissiya a’zolari 
o‘rtasida taqsimlaydi hamda saylov boshlanganligini e’lon qiladi. Saylov byulletenlarining 
umumiy soni alohida hujjat bilan rasmiylashtiriladi. (3)