O‘zbekiston Respublikasi Sog‘liqni saqlash vazirligi Toshkent farmasevtika instituti

Auditorlik tekshiruvini o‘tkazishda xo‘jalik yurituvchi sub’ektning huquqlari va majburiyatlari
Unga nisbatan auditorlik tekshiruvi o‘tkazilayotgan xo‘jalik yurituvchi sub’ekti quyidagi huquqlarga ega:

• 
  auditorlik hisoboti va auditorlik xulosasini olish,
  
• 
  auditorlardan buxgalteriya hisobini olib borish, moliyaviy hisobotni tuzish tartibi va aniqlangan kamchiliklar va qoida buzilishlarini tuzatish haqida maslahatlar olish.
  

Auditorlik tekshiruvi o‘tkazilayotgan xo‘jalik yurituvchi sub’ekti quyidagilarga majbur:

• 
  auditorlik tekshiruvini o‘tkazish to‘g‘risidagi shartnomada begilangan muddatlarda auditorlik tekshiruvini o‘tkazish uchun tegishli sharoitlarni yaratish va unga kerakli hujjatlarni taqdim etish;
  
• 
  auditorlik tekshiruvi davomida aniqlangan buxgalteriya hisobini yuritishdagi, moliyaviy hisobotni tuzishdagi hamda soliqlarni va boshqa majburiy to‘lovlarni hisoblash tartibidagi qoida buzilishlarini bartaraf qilish.
  

Xo‘jalik yurituvchi sub’ekt mazkur qonunga muvofiq amalga oshirilayotgan auditorlik tekshiruvidan bosh tortish yoki uning o‘tkazilishiga to‘sqinlik qilish maqsadida qandaydir xarakatlar qilish (xarakatsiz bo‘lish) huquqiga ega emas.
Auditorlik tekshiruvining buyurtmachisi – xo‘jalik yurituvchi sub’ekt, uning mulkdori, hamda ustav kapitalida qonunchilikda belgilangandan kam bo‘lmagan miqdorda ulushga ega bo‘lgan ishtirokchilar va aksiyadorlar, auditorlik tekshiruvining o‘tkazilishiga tashabbus ko‘rsatayotgan nazorat qiluvchi yoki huquqni muhofaza qiluvchi idoralar.
Auditorlik tekshiruvining buyurtmachisi quyidagi huquqlarga ega:

• 
  mustaqil ravishda auditorlik tashkilotini tanlash;
  
• 
  tashabbusli auditorlik tekshiruvida auditorlik tekshiruvining yo‘nalishi va hajmini belgilab berish;
  
• 
  auditorlik tashkilotidan auditorning e’tirozlari uchun asos bo‘lgan qonunchilik hujjatlarining me’yorlari haqida kerakli axborotni olish.
  

Auditorlik tekshiruvining buyurtmachisi auditorlik tekshiruvini o‘tkazish haqidagi shartnomaga muvofiq auditorlik xizmatlari uchun o‘z vaqtida haq to‘lashga majbur.
Auditorlik tashkilotining faoliyatiga aralashishga yo‘l qo‘yilmaydi. Auditorlik tashkilotiga, hamda uning xodimlariga mustaqil auditorlik tekshiruvini amalga oshirishga to‘sqinlik qilish maqsadida har qanday ko‘rinishda ta’sir o‘tkazish qonunchilikka muvofiq javobgarlikka tortilishga sabab bo‘ladi.