O‘zbekiston Respublikasi Sog‘liqni saqlash vazirligi Toshkent farmasevtika instituti

Farmnazorat bo‘limi quyidagi huquqlarga ega:

• 
  dori vositalari va tibbiy buyumlarning sifati masalalar bo‘yicha ta’minotchilar va iste’molchilar o‘rtasidagi kelishmovchiliklarda Davlat arbitraj nazoratini o‘tkazishda ishtirok etish;
  
• 
  zimmasiga yuklatilgan vazifalarni bajarish vaqtida nazorat qilinayotgan sub’ektlarning barcha xonalariga belgilangan tartibga rioya qilgan holda to‘sqinliksiz kirish;
  
• 
  dori vositalarini ishlab chiqarish, tayyorlash, saqlash va sotish jarayonida sifatini aniqlash maqsadida tahlil va sinovlarni o‘tkazish uchun dori vositalari va tibbiy buyumlarning namunalarini olish;
  
• 
  nazorat qilinayotgan sub’ektlarning rahbarlari va boshqa mansabdor shaxslaridan qonunchilik va amaldagi standartlarning talablarini buzish holatlari bo‘yicha yozma tushuntirish xatlari olish;
  
• 
  xo‘jalik yurituvchi sub’ektlarni tekshirish uchun zarur bo‘lganda korxonalar, tashkilotlar va muassasalarning rahbarlari bilan kelishgan holda ularning texnik vositalari va mutaxassislarini jalb qilish;
  
• 
  zarur bo‘lganda, nomuvofiqliklarni bartaraf qilish, ishlab chiqarish, nazorat qilish va sifat tizim usullarini takomillashtirish bo‘yicha tavsiyalar berish.
  

Farmnazorat bo‘limining majburiyatlari:

• 
  «Dori vositalari va farmasevtika faoliyati to‘g‘risida» gi qonun, boshqa qonuniy va me’yoriy hujjatlar talablarini bajarish;
  
• 
  o‘tkaziladigan tekshiruvlarning maxfiyligini ta’minlash;
  
• 
  dori vositalari va tibbiy buyumlarni ishlab chiqarish, tayyorlash, saqlash, sotish va sifatini nazorat qilishda nazorat qilinayotgan sub’ekt tomonidan O‘zbekiston Respublikasi qonunchiligiga, tarmoqning normativ va rahbariy hujjatlari, hamda ro‘yxatga olish va litsenzion hujjatlar talablariga rioya etilishi haqida batafsil dalolatnoma taqdim etish.
  

Giyoxvand dori vositalarini va prekursorlarning aylanmasi bilan bog‘liq bo‘lgan faoliyatni nazorat qilish va litsenziyalash Dori vositalari va tibbiy texnika sifatini nazorat qilish Bosh boshqarmasi qoshidagi Narkotiklarni nazorat qilish qo‘mitasi tomonidan amalga oshiriladi²⁰.
.


Error: Reference source not found