O‘zbekiston Respublikasi Sog‘liqni saqlash vazirligi Toshkent farmasevtika instituti

Tekshiruvda taqdim etiladigan hujjatlar
Nazorat organlari faoliyatini muvofiqlashtiruvchi Respublika kengashi yoki uning tegishli hududiy bo‘linmasi tomonidan berilgan xo‘jalik yurituvchi sub’ektlar faoliyatini tekshirishning muvofiqlashtirish rejasidan ko‘chirma, nazorat organi rahbari tomonidan tasdiqlangan tekshirish o‘tkazish buyrug‘i va rejasi, jinoiy ish qo‘zg‘atish to‘g‘risidagi qaror nus’halari xo‘jalik yurituvchi sub’ekt rahbariga ularni olganligi haqidagi tilxat asosida topshiriladi. Shuningdek, tekshirish o‘tkazish uchun mutaxassis yoki auditor (auditorlik firmasi) jalb qilingan taqdirda nazorat organi va mutaxassis va auditor (auditorlik firmasi) o‘rtasida tuzilgan shartnoma nus’hasi taqdim etiladi.
Tekshirishlar o‘tkazish uchun mutaxassis, auditorlar (auditorlik firmalari) jalb qilingan holda ekspertizalar (auditorlik tekshirishlar) o‘tkazish bo‘yicha sarf – harajatlar faqat ushbu tekshirishlarni tayinlagan nazorat organlari hisobidan amalga oshiriladi.
Mutaxassislar va/yoki auditorlar (auditorlik firmalari) jalb qilin- ganda nazorat organi hamda mutaxassislar va yoki auditorlar (auditorlik firmasi) o‘rtasida tuzilgan shartnoma nus’hasi albatta taqdim qilinishi lozim. Shartnomada mutaxassis va/yoki auditorning familiyasi, ismi, otasining ismi, ish joyi va mansabi albatta ko‘rsatilgan bo‘lishi kerak.
Xo‘jalik yurituvchi sub’ektlar nazorat organlarining vakolatiga kirmaydigan masalalarga oid talablarni bajar­maslik hamda tekshirish predmetiga taalluqli bo‘lmagan materiallar bilan ularni tanishtirmaslikka haqlidirlar.
Xujjatlarni olib qo‘yish va ularni huquqni muhofaza qiluvchi organlarning talabi bo‘yicha taqdim etish O‘zbekiston Respublikasi Jinoyat-protsessual kodeksida belgilangan tar­tibda amalga oshiriladi, prokuratura organlarn esa, bu holda O‘zbekiston Respublikasining «Prokuratura to‘g‘risida»gi qonuniga ham asoslanadilar. Huquqni muhofaza qiluvchi or­ganlar asl nus’hasi olib qo‘yilgan xujjatlarning saqlanishi uchun javobgardirlar. Xujjatlarning asl nus’hasini olib qo‘yishda nazorat organlarining vakolatli shaxslari xo‘jalik yurituvchi sub’ektlarga ularning asl nusxasidan bosh buxgal­ter yoki xo‘jalik yurituvchi sub’ektning boshqa mansabdor shaxsi tomonidan tasdiqlangan ko‘chirmalar olishga imkoniyat berishlari lozim.