O‘zbekiston Respublikasi Sog‘liqni saqlash vazirligi Toshkent farmasevtika instituti

Auditorlik tekshiruvi — auditorlik tashkilotlari tomonidan xo‘jalik yurituvchi sub’ektning moliyaviy hisoboti va u bilan bog‘liq bo‘lgan moliyaviy axborotning haqqoniyligini hamda qonunchilikka muvofiqligini aniqlash maqsadida o‘tkaziladigan tekshiruv. Auditorlik tekshiruvi majburiy va ixtiyoriy (tashabbusli) shakllarda amalga oshiriladi.
Quyidagi tashkilotlar har yili majburiy auditorlik tekshiruvini o‘tkazishlari shart:

• 
  aksiyadorlik jamiyatlari;
  
• 
  banklar va boshqa kredit tashkilotlari;
  
• 
  sug‘urta tashkilotlari;
  
• 
  yuridik va jismoniy shaxslarning mablag‘larini yig‘uvchi investitsion va boshqa jamg‘armalar, va ularni boshqaruvchi kompaniyalar;
  
• 
  yuridik va jismoniy shaxslarning ixtiyoriy ajratmalari hisobiga shakllanadigan hayriya va boshqa jamoatchilik jamg‘armalari;
  
• 
  yuridik va jismoniy shaxslarnig qonunchilik bilan ko‘zda tutilgan majburiy ajratmalari hisobiga shakllanadigan budjetdan tashqari jamg‘armalar;
  
• 
  ustav jamg‘armasida davlat ulushiga ega bo‘lgan xo‘jalik yurituvchi sub’ektlar.
  

Xo‘jalik yurituvchi sub’ekt majburiy auditorlik tekshiruvining buyurtmachisi bo‘lib chiqadi. Auditorlik tashkilotining tanlovi xo‘jalik yurituvchi sub’ektning mulkdori, ishtirokchilarning (aksiyadorlarning) umumiy yig‘ilishi bilan kelishiladi.
Majburiy auditorlik tekshiruvidan bosh tortish xo‘jalik yurituvchi sub’ektdan eng kam ish haqining yuz baravaridan besh barivarigacha bo‘lgan miqdorda jarima undirilishi, hamda uning rahbarini qonunchilik bilan belgilangan javobgarlikka tortilishiga sabab bo‘ladi. Jarimaning to‘lanishi xo‘jalik yurituvchi sub’ektni majburiy auditorlik tekshiruvi o‘tkazilishidan ozod qilmaydi.
Tashabbusli auditorlik tekshiruvi xo‘jalik yurituvchi sub’ektning yoki auditorlik tekshiruvi buyurtmachilarining qarori bo‘yicha qonunchilik bilan o‘rnatilgan tartibda o‘tkazilishi mumkin.
Tashabbusli auditorlik tekshiruvini o‘tkazish maqsadi, muddatlari va boshqa shartlari auditorlik tekshiruvini o‘tkazish to‘g‘risida auditorlik tekshiruvining buyurtmachisi va auditorlik tashkiloti o‘rtasida tuzilgan shartnoma bilan belgilab beriladi.