O’zbekiston respublikasi sog’liqni saqlash vazirligi sh. S. Shoyimova, M. K. Xoshimova, sh. R. Mirzayeva, M. M. Qo’ziboyeva ta’lim texnologiyalari

D.Kratvolning tarbiyaviy maqsadlar taksonomiyasi. Tibbiy ta’limda tarbiya texnologiyalarining xususiyatlari

Emotsional darajada talaba o’quvmaterialini o’rganishda uni qabul qilishga, javob berishga harakat qilishi va olayotgan bilimidan foyda kutishi kerak. D.Kratvolning tarbiyaviy maqsadlar taksonomiyasi affektiv (hissiy-emotsional) sohaga tegishli bo’lib, besh qismdan iborat bo’lgan holda quyidagicha ifodalanadi:

1. Qabul qilish (sezgi, idrok etish):

1. 
   anglash;
   
2. 
   idrok qilishga istak vujudga kelishi va yoki unga tayyor bo’lish;
   

v) ixtiyoriy diqqat.
Ushbu toifa ma’lumotni qabul qilishga tayyorgarlikni bildiradi, masalan, shaxsning diqqati, idroki, ma’lumotga ehtiyoji, qiziqishi, zehni, uquvi, o’qishga moyilligida namoyon bo’ladi.

2. Ta’sirga javob berish, ta’sirlanish (munosabat):

1. 
   bo’ysunuvchi tarzda javob berish;
   
2. 
   ixtiyoriy tarzda javob berish;
   

v) ta’sirga javob berishdan mamnuniyat hosil qilish.
Mazkur toifa shaxsning o’z ta’limida faol qatnashishini bildiradi, masalan, o’quvfaniga qiziqishini namoyon qilishi, taqdimot qilishga tayyorligi, guruh muhokamasida qatnashishi, boshqalarga yordam berishida namoyon bo’ladi.

3. Qadriyatlarni aniqlash, o’zlashtirish (faol o’qish):

1. 
   qadriyatli yo’nalishlarni qabul qilish (fikr paydo bo’lishi);
   
2. 
   qadriyatli yo’nalishlarni afzal ko’rish;
   

v) qadriyatli yo’nalishlarga sodiqlik, ishonuvchanlik.
Bu toifa qadriyatlarni aniqlashni shunchaki qabul qilishdan to unga berilib ketishgacha borishni anglatadi, masalan, talaba ilm- fanning kundali turmushdagi rolini yuqori baholaydi, boshqalarning muvaffaqiyati uchun g’amho’rlik ko’rsatadi, individual va madaniy farqlarga hurmat bilan qaraydi, ya’ni tolerantlikni namoyon qiladi.

4.