O’zbekiston respublikasi sog’liqni saqlash vazirligi sh. S. Shoyimova, M. K. Xoshimova, sh. R. Mirzayeva, M. M. Qo’ziboyeva ta’lim texnologiyalari

Mustaqil ish uchun mavzu va topshiriqlar:

1. 
   O’zbekistonda innovatsion ta’lim texnologiyalarining rivojlanishi.
   
2. 
   Tibbiy ta’limga oid IT-texnologiyalarining eng so’nggi yutuqlari.
   
3. 
   Tibbiy ta’limda samarali qo’llaniladigan noan’anaviy o’qitishtexnologiyalari.
   
4. 
   Mavzu bo’yichatayanch iboralarga ta’rif bering va mohiyatini tushuntiring.
   

3. BOB

PEDAGOGIK MAQSADLAR TAKSONOMIYASI. TESTOLOGIYA


Bobning qisqacha mazmuni: pedagogik maqsadlarni ishlab chiqish texnologiyasi, B.Blumning o’quvmaqsadlari taksonomiyasi va uning kategoriyalari, B.Blum taksonomiyasi bo’yichao’quvmaqsadlari kategoriyasiga mos fe’llar turkumi, D.Kratvollning tarbiyaviy maqsadlar taksonomiyasi, tibbiy ta’limda tarbiya texnologiyalarining xususiyatlari, tarbiyaga texnologik yondoshuv, testologiya haqida tushuncha, pedagogik test turlari, test tuzish mezonlari, o’quvmaqsadlariga mos test topshiriqlarini ishlab chiqish xususiyatlari, pedagogik testlarni tuzishga qo’yiladigan didaktik talablar.
Tayanch iboralar: pedagogik maqsad, taksonomiya, pedagogik maqsadlar taksonomiyasi, kognitiv soha, affektiv soha, psixomotor soha, B.Blum taksonomiyasi, identifikatsiyalanuvchi o’quvmaqsadlari, A.Karringtonning “PADagogik charxi” (“Padagogy Wheel”), D.Kratvol taksonomiyasi, testologiya, kvalimetriya, pedagogik testlar, test mezonlari, standart va nostandart test turlari.

1. Pedagogik maqsadlarni ishlab chiqish texnologiyasi O’quv maqsadlarini belgilashning an’anaviy usullari. O’quv

maqsadlari pedagogik jarayonni tashkil etuvchi qismlarning eng
muhimi, yetakchisi bo’lib hisoblanadi. Pedagogik jarayon o’zining qanchalik murakkabligi va davomiyligidan qat’iy nazar, u, eng avvalo, maqsadni aniqlashdan boshlanadi. Pedagogik jarayonning boshqa tashkil etuvchi qismlari (tamoyil, mazmun, shakl, usul, vosita va b.) belgilangan maqsadga bo’ysunadilar, ular maqsadga muvofiq holda tanlanadi va o’zaro uyg’unlashtiriladi. Pedagogik maqsad pedagog va talabaning hamkorlikdagi faoliyati natijasini oldindan tasavvur etishdir. An’anaviy didaktikada ham ko’pchilik olimlar (Babanskiy Yu.K., Bezrukova V.S., Galperin P.D, Lerner I.Ya., Kraevskiy V.V., Maxmutov M.I., Talizina N.F. va b.) o’quv maqsadlarini belgilash usullari, ularni aniqroq ifodalash shakllari bo’yichailmiy izlanishlar olib borishgan va bu masalalar bo’yicha ma’lum tajriba ham to’plangan. Jumladan, zamonaviy darsning ta’lim berish, tarbiyalash va talaba shaxsini rivojlantirish maqsadlarini aniqlash hamda ularga erishish yo’llari bo’yicha ma’lum darajada nazariy va amaliy ma’lumotlar mavjud. Lekin, o’qituvchi(uning timsolida o’quv yurti) qanday natijaga erishishni xohlaydi? Bir qarashda bu savolga javob berish osonga o’xshaydi. Biror fan yoki uning bo’limini o’qitishda o’qituvchio’z oldiga uni talabalarga tushuntirishni, mazmunining o’zlashtirilishini va buning natijasida talabalar uni amalda qo’llay olishlariga erishishni o’z oldiga maqsad qilib qo’yadi. Lekin, “tushunish”, “o’zlashtirish”, “anglash”, “qo’llash” degani nimani bildiradi? Qo’yilgan maqsadga erishilganligini o’qituvchi qanday aniqlashi mumkin? Agar talabaning qo’yilgan maqsadga erishgani yoki erisha olmaganligini aniqlash usuli mavjud bo’lsa,
o’qituvchiqo’llagan uslublarining to’g’riligiga, o’z mehnati samarasiga ishonishi yoki talabalar qanday yordamga muhtoj ekanligi haqida ishonchli ma’lumot olish imkoniyatiga ega bo’lar edi. Ta’lim texnologiyasi tarafdorlari aynan mana shu holat – an’anaviy o’qitishjarayoni maqsadlari noaniq bo’lib, o’qitish natijalarini yaqqol o’lchab bo’lmasligini qattiq tanqid ostiga olgan edilar.
Biroq, an’anaviy pedagogikadagi bu holatni har qanday tanqid
ham birdaniga o’zgartirolmadi, chunki o’quv yurti (u bilan birga o’qituvchi ham) ijtimoiy talabni o’ta umumlashgan holda oladi. Demak, jamiyat ta’lim tizimiga umumiy tarzdagi talab qo’yar ekan, undan kelib chiqadigan o’quv yurti vazifalari, shuningdek, fanlar dasturlaridagi o’quv maqsadlari ham umumiy tarzda bayon etilishi tabiiydir. Shuni ta’kidlash lozimki, O’zbekistonda uzluksiz ta’lim tizimining barcha bo’g’inlari ta’lim standartlarining joriy qilinishi, ularda tayyorlanayotgan kadrlarga qo’yiladigan yagona talablarning aks ettirilganligi natijasida o’qitishmaqsadlarini aniqlashtirishga erishilmoqda.
Biz odatda fanning maqsad va vazifasidan kelib chiqqan holda, o’quv maqsadlarini fan (kurs) va uning bo’limlari darajasida aniqlashtirish bilan chegaralanamiz. Chunki aynan mana shu joyda o’quvjarayonini texnologik usulda loyihalash bevosita namoyon bo’ladi va aynan shu darajada o’qituvchifan va uning bo’limlari ustida ishlab, o’quvmaqsadlarini aniqlaydi va ular asosida o’quv jarayonini tashkil etadi.
Endi, pedagogik amaliyotda mustahkam o’rin olgan o’quv maqsadlarini aniqlashning quyidagi an’anaviy usullari haqida to’xtalamiz:

1. 
   Maqsadlarni o’rganiladigan o’quvmaterialining mazmuni orqali aniqlash. Masalan: “Rivojlantiruvchi ta’lim texnologiyalarini o’rganish”, “Intellekt ko’pligi nazariyasini o’rganish”, yoki biror mavzu, bob mazmunini, hodisalar, qonun-qoidalar, ta’riflar va hokazolarni o’rganish. Xo’sh, maqsadni bunday belgilash nima beradi? Bu faqat bitta dars yoki bir necha darslarda o’tiladigan materialni o’rgatishga ishora qilish xolos, unda o’quvjarayonini tashkil etish uchun aniq bir yo’nalish yo’q. Shuningdek, agar ma’lum darajada reproduktiv o’zlashtirishni hisobga olmasa, bunday shaklda ifodalangan maqsadlarga erishilganlik yoki erishilmaganlikni ham aniqlab bo’lmaydi. Boshqacha aytganda, bunday usulda belgilangan o’quvmaqsadlari o’quvjarayonini tashkil etishning amaliy (amalga
   

oshiruvchi) qismi ham bo’la olmaydi. Shuning uchun ham pedagogik texnologiya tarafdorlari bunday o’quvmaqsadlarini o’ta noaniq deb hisoblab, tanqid qilganlar.

2. 
   O’quv maqsadlarini o’qituvchi faoliyati orqali aniqlash.
   

Masalan: talabalarni “Tibbiy ta’limda qo’llaniladigan o’qitish texnologiyalari bilan tanishtirish”, “B.Blum o’quv maqsadlari taksonomiyasini namoyish qilish”, “Muammoli ta’lim texnologiyalari xususiyatlarini bayon qilish” va h.k. O’quv maqsadlarini bunday usulda aniqlash o’qituvchining shaxsiy faoliyatiga qaratilgan bo’lib, ishdagi tartib va tushuntirish haqida taassurot qoldiradi xolos. O’qituvchi o’quv maqsadlarini olinadigan natijaga taqqoslash imkoniyatiga ega bo’lmagan holda harakat qiladi, chunki o’quv maqsadlari bu usulda aniqlanganda olinadigan natijaning o’zi aniq ifodalanmaganligi ko’rinib turibdi.

3. 
   O’quvmaqsadlarini talabaning intellektual, hissiy sohaga oid ichki rivojlanish jarayonlari orqali aniqlash. Masalan: “O’rganilayotgan tushunchalarni tahlil qilish malakasini shakllantirish”, “Mushohada yuritish malakasini shakllantirish”, “mavzuni muhokama qilishda talabalarning bilish qobiliyatlarini rivojlantirish” va h.k. Bunday o’quv maqsadlari o’quv yurti fan yoki fanlar davriy darajasidagi umumiy maqsadlarni ifodalaydi, lekin ular hatto dars yoki darslar turkumi maqsadlarini ham anglatmaydi. Pedagogik texnologiya tarafdorlari bunday maqsadlarni butunlay inkor etadilar. Haqiqatan ham, ularga erishganlikka yoki bir dars davomida bu maqsadlarga, hatto yaqinlashib borilganligiga ham ishonib bo’lmaydi. Bu usulda maqsadga erishish yo’nalishlari haqida ham fikr yuritib bo’lmaydi, chunki ular nihoyatda “jarayonli” shaklda ifodalangan. Bizning fikrimizcha, bu usul butunlay samarasiz emas, faqat maqsadlarga jiddiy aniqlik kiritish kerak. Bu o’rinda ham maqsadlarni aniqlashtirishning pedagogik texnologiya doirasida yaratilgan usullari yordam beradi.
   
4. 
   Endi, o’quv maqsadlarini belgilashning pedagogik texnologiya
   

tarafdorlari taklif etgan usulini, ularni talabalar xatti-harakati va faoliyati orqali ifodalashni ko’rib chiqamiz. Masalan: “tayanch tushunchalarga ta’rif berish”, “mashg’ulot texnologiyasini ishlab chiqish”, “mavzu bo’yicha test topshirig’ini tuzish”, “qon bosimini o’lchash”,
“bog’lamni yangilash”, “anamnez yig’ish”, “kasallik varaqasini to’ldirish”, “retsept yozish” va h.k.
Pedagogik texnologiya tarafdorlari taklif etgan o’quv maqsadlarini aniqlash usuli, o’zining yuqori darajadagi aniqlashtirish imkoniyatiga ega bo’lishi bilan ajralib turadi. O’quv maqsadlari talabaning ishonchli o’lchash va tashqaridan kuzatish mumkin bo’lgan xatti- harakatida ifodalanib, ular o’qitish natijalarini anglatadi. Shu bilan birga, talabalarning bu xatti- harakatlarini o’qituvchi yoki ekspert aniq kuzatib baholashi ham mumkin bo’ladi.
Albatta, bu samarali g’oya dastlab ko’p qarshiliklarga uchradi.
Qanday usul bilan o’qitishnatijasini talaba xatti-harakatlariga
o’tkazish mumkin? Bu o’tkazishda qat’iy bir xil ma’noni qanday saqlab qolish mumkin? Bu kabi muammolar asosan quyidagi ikki xil usul bilan hal etilganligini qayd etish mumkin.

1. 
   
   Obyektlarni, ularning tabiiy o‘zaro bog‘liqligiga asoslanib, toifalari murakkablashib boradigan ketma-ketlikda (ierarxik) joylashtirib turkumlash, tizimlashtirish va klassifikatsiyalash – taksonomiya (yunon. taxis – tartib, joylashuv, tuzilish, nomos – qonun) deyiladi.
   
   O’quv maqsadlarining shunday tizimini yaratish kerakki, uning ichida o’quv maqsadlarining toifalari va darajalari ketma-ketligi aniq belgilangan bo’lsin. O’quv maqsadlarining bunday tizimi pedagogik taksonomiya deb ataladi.
   
2. 
   O’quv maqsadlarini ifodalash uchun shunday aniq va tushunarli tilni topish kerakki, o’qituvchi bu til orqali maqsadlarni aniq ifodalaydigan bo’lsin.
   

Demak, o’quv maqsadlarini belgilashga yuqorida qayd etilgan aniqlik kiritish, pedagogik texnologiyaning odatdagi o’qitish usullaridan tubdan farq qiluvchi dastlabki, eng muhim jihatlaridan biri bo’lib hisoblanadi.
O’quv maqsadlarini o’ta aniq belgilanishi, unga erishganlikni yaqqol nazorat qilishga imkon beradi. Bu esa o’z navbatida talaba shaxsini rivojlanib borayotganlik darajasini hamda o’qituvchi faoliyatidagi kamchiliklarni o’z vaqtida aniqlab, ularni bartaraf qilish demakdir.