O’zbekiston respublikasi sog’liqni saqlash vazirligi sh. S. Shoyimova, M. K. Xoshimova, sh. R. Mirzayeva, M. M. Qo’ziboyeva ta’lim texnologiyalari

Kichik guruhlarda ishlash metodlarining xususiyatlari:
Ushbu metodlar bo’yicha ishlash uchun 3-5 kishidan iborat kichik guruhlar tuzilib, ishonch vaziyatini vujudga keltirish, oshkora muhokama uchun halal beradigan psixologik keskinlikni bartaraf etish va ish vaqtini ko’pi bilan 1-1,5 soat qilib belgilab olish zarur.
Ushbu kichik guruhda ishlash metodika yoki strategiyalari fikrlash doirasini kengaytirib, mavjud cheklovlarni biroz unutib turish, fikrlash faoliyati harakatchanligini rivojlantirish, o’quv faoliyatini jadallashtirishga qaratilgan. Ularning qiymati yangi o’quv axboroti ustida faol ishlash va mustahkamlashdan iborat.

Maqsadi:

1. 
   Talabalarni o’qish jarayoniga qiziqtirish, faol qatnashishga jalb etish va bir-biridan o’rganishiga imkon berish.
   

1. Talaba-pedagog rollarini o’zgartirish.

Afzalliklari:

1. Talabalar uchun o’z g’oyalari va fikrlari bilan ko’proq o’rtoqlashishga imkon beradi.

1. 
   Kichik guruhlarda talabalar katta guruhlarda aytishlari mumkin bo’lgan fikrlardan boshqacha fikrlarni aytishlari mumkin.
   
2. 
   Diqqat markazini pedagogdan (yo’l-yo’riq ko’rsatuvchi) talabalarga (faol qatnashuvchi) ko’chiradi.
   
3. 
   Talabalarni guruhiy ish uchun ko’proq mas’uliyat his qilishga, faollashishga, hamkorlikka yo’naltiradi (sog’lom raqobat). Kamchiliklari
   

- Ko’p vaqt va qulay qo’shimcha joy bo’lishini talab qiladi;

• 
  Talabalardan birortasi boshchilik qilishga o’ta boshlashi, guruh qarshilik qilmasa, nazoratni o’z qo’liga olishi, tartibsizlik yuzaga kelishi mumkin;
  
• 
  Guruh o’ziga berilgan topshiriqdan chalg’ib, mavzudan chetga chiqishi, topshiriqni noto’g’ri tushunishi yoki yo’l-yo’riqlarga aniq amal qilmasligi mumkin;
  
• 
  Talabalarni individual baholash imkoniyati bo’lmasligi mumkin.
  

Kichik guruhlar bilan ishlashda pedagog quyidagilarga amal qilishi lozim:

• 
  talabalarni guruhlarga shunday taqsimlash zarurki, o’zlashtirish darajasi turlicha, bir-biri bilan tanishligi, yaqinligi kam talabalar birga bo’lishsin, ayrim hollardagina ularning o’zlari guruhlarga birlashib olishlariga imkon berish mumkin;
  
• 
  ish maqsadi, yo’l-yo’riqlarni, topshiriqni aniq va ravshan qilib ta’riflab berish, uni hamma tushunib olganiga ishonch hosil qilish lozim;
  
• 
  talabalarning yo’l-yo’riqlarga qanchalik aniq amal qilib borishayotganini va topshiriqdan chetga chiqishmayotganini nazorat qilib tekshirib turish zarur.