O’zbekiston respublikasi sog’liqni saqlash vazirligi sh. S. Shoyimova, M. K. Xoshimova, sh. R. Mirzayeva, M. M. Qo’ziboyeva ta’lim texnologiyalari

Sh.A.Amonashvilining inson-shaxs texnologiyasi. Shalva Aleksandrovich Amonashvili taniqli pedagog olim va amaliyotchidir. U o’zining eksperimental maktabida hamkorlik pedagogikasini, shaxsiy yondashuvni, til va matematika o’qitishning ajoyib metodikasini ishlab chiqdi va hayotga tatbiq etdi.
Sh.A.Amonashvilining asosiy maqsadlari quyidagilardan iborat:
-bolaning shaxsiy xislatlarini namoyon qilish orqali unda olijanob insonning shakllanishi, rivojlanishi va tarbiyalanishiga imkon tug’dirmoq;
-bolaning qalbi va yuragini ulug’lamoq;
-boladagi bilishga bo’lgan kuchlarni rivojlantirish va shakllantirish;
-keng va chuqur bilim hamda malaka olish uchun sharoit tug’dirish;
-ideal tarbiya – bu o’z-o’zini tarbiyalash.
Sh.A.Amonashvili o’zining texnologiyasini amalga oshirish uchun quyidagi metodika va metodik usullardan foydalandi:
-insonparvarlik;
-shaxsiy yondashuv;
-muloqot mahorati;
-oila pedagogikasining qo’shimcha imkoniyati;
-o’quvfaoliyati.
Sh.A.Amonashvili texnologiyasida bola faoliyatini baholash alohida ahamiyatga ega. Baholardan foydalanish o’ta cheklangan. Miqdoriy baholashdan ko’ra sifatli baholashga urg’u beriladi, ya’ni tavsif, natijalar paketi, o’z-o’zini baholash. Hozirgi kunga qadar bolaga nisbatan eng insonparvar munosabat va yondoshuvni amalga oshirish hamda uni ommalashtirish bo’yichaSh.A.Amonashvilining samarali faoliyati davom etmoqda.
Montessori pedagogikasi. Italiyalik pedagog va shifokor Mariya Montessori tomonidan XX-asrning birinchi yarmida taklif qilingan pedagogik tizim va metodlar majmui bugungi kungacha o’z ahamiyatini yo’qotmagan. Uning tizimi erkin tarbiya g’oyalariga asoslangan bo’lib, insonparvarlik pedagogikasiga tegishlidir. Bunda didaktik mashg’ulotlar va maxsus tashkillashtirilgan muhit yordamida bolaning sensor tarbiyasi (sezgi a’zolarini rivojlantirish)ga muhim e’tibor beriladi.
Tizimning asosiy prinsiplari: bolaning mustaqilligi, individualligi, belgilangan chegaralarda erkinlik, uning tabiiy psixologik, jismoniy va ijtimoiy rivojlanishi hisoblanadi.

2.