Ozbekiston respublikasi oliy va

Qaytaruvchi uglevodlarni aniqlash

Bu usul qaytaruvchi uglevodlarning qizil qon tuzini sariq qon tuziacha qaytarishi reaksiyasiga asoslanan. Bunda uglevod miqdorini ajralgan sariq qon tuzining miqdoridan ham, ortib qolgan qizil qon tuzining miqdoridan ham aniqlash mumkin. Qizil qon tuzining nur yutish chegarasi 400-440 nm to’lqin uzunligiga mos keldi. Faqat bu usul qo’llanilganda uglevod konsentratsiyasi yetarli miqdorda bo’lishi (namunadagi glyukozaning miqdori 15-20 mg dan kam bolmasligi) kerak.

Kerakli asbob va reaktivlar: Fotoelektrokolorimetr, glyukozaning standart eritmasi (2 mg/ml), 1 litrida 10 g qizil qon tuzi saqlagan eritma, 1,25 M KOH eritmasi, suv hammomi, konussimon kolbalar, byuretkalar, silindrlar, qum soati.

Ishning borishi. Yettita konussimon kolbaga 20 ml dan qizil qon tuzi eritmasidan solinib, 10 ml dan KOH eritmasi va tegishlicha 6,5; 7,0; 7,5; 8,0; 8,5; 9,0; 9,5 ml da glyukozaning suyultirilgan eritmasidan qo’shiladi va eritmalarning hajmi distillangan suv quyib 40 ml ga yetkaziladi. Eritmalar suv hammomida 1 minut qaynatilib, sovutiladi va optik zichliklari 10 mm li kyuvetalarda 400-440 nm to’lqin uzunligidagi nur bilan o’lchanadi. Eritmaning nur yutishi ortib qolgan qizil qon tuzining miqdorini aniqlashga asoslangan. Solishtirish (etalon) uchun distillangan suv olinadi. Glyukoza va qizil qon tuzi eritmasi ortasidagi reaksiya qat’iy stexiometrik bo’lmagani uchun grafikda to’g’ri chiziq emas, egri chiziq hosil boladi. Grafik tuzish uchun ettita nuqta yetarli bo’ladi.