O’zbekiston respublikasi oliy va o’rta ta’lim vazirligi qarshi davlat universiteti tuproqshunoslik va ekologiya kafedrasi

2. Минерал кислоталар ишлаб чиқариш: Сульфат кислота - Чирчиқ "Электркимёсаноат" ОАЖ, Олмалиқ "Аммофос" ОАЖ, Навоий ва Олмалиқ кон-металлургия комбинатларида йилига 1 млн.т. миқдорида ишлаб чиқарилади. Азот кислота - "Фарғонаазот", "Навоиазот", "Аммофос" (Олмалиқ) ва "Самаркандкимё" кимё корхоналарида 1,5-2,0 млн. тн. ишлаб чиқарилади.
3. Ўсимликларни ҳимоя килишнинг кимёвий воситалари "Фарғонаазот" ОАЖ да 1995 йилдан буён турли дефолиантлар, десикантлар, гербицидлар, инсектицидлар ва фунгицидлар; Навоий "Электрокимёзаводи" АЖ да 1960 йилдан буён турли гербицидлар – нитран, которан, котофор, агродарм, бронотак; инсектицидлар фозалон, трефлан ва бошқа маҳсулотлар ишлаб чиқарилади. Ўсимликларни касаллик ва зараркунандалардан кимёвий ҳимоя қилувчи олтин гугурт кукуни Шўрсув кон-кимё корхонасида ҳамда Муборак газни қайта ишлаш заводида ишлаб чиқарилади (2005 йилда 150 минг тонна и/ч!).
4. Кимёвий толалар ва иплар ишлаб чиқариш: Фарғона кимёвий толалар заводида 1959 йилдан ацетатиплар; "Навоийазот" ОАЖда 1974 йилдан буён нитрон ва акрил толалари; Фарғона фуран бирикмалари кимё заводида 1946 йилдан буён пахта линтидан целлюлоза ишлаб чиқариш йўлга қўйилган; "Фарғонаазот" ОАЖ да целлюлоза ацетати ишлаб чиқарилади ва кимёвий толаларнинг қариёб 2/3 қисми бир қатор мамлакатларга экспорт қилинади. 5. Кимё саноатида гидролиз корхоналари: Фарғона фуран бирикмалари кимё (1946 йил), Янгийўл биокимё (1952 йил), Андижон гидролиз (1953 йил) заводларида асосий хом ашё–чигит шелухаси, шоли қобиғидан техник этил спирти, фурфурол, озуқа ачитқилари (хамиртуруш), фурил спирти, ксилит, лапрол, катализаторлар ва бошқа маҳсулотлар ишлаб чиқарилди. 1990 - йиллар бошидан бу заводларда ғалладан озиқ-овқат (этил) спирти ишлаб чиқариш ўзлаштирилди: Андижон биокимё заводида йиллик қуввати 915 минг дкл (1994 йил), "Қўқон" ишлаб чиқариш бирлашмасида 1800 минг дкл (1995 йил) ва Янгийўл биокимё заводида 915 минг дкл (1996йил) этил спирти ишлаб чиқарилди ва Республика озиқ-овқат, тиббиёт, атир-упа саноати тармоқлари маҳаллий этил спирти билан таъминлана бошланди. Букорхоналарда йилига 4 минг тоннага яқин карбон кислоталари ҳам ишлаб чиқарилади. Андижон биокимё заводида 1992 йилдан қуруқ хлорелла биомассасини тайёрлаш ҳам йўлга қўйилган (1994 йилда 2 тонна).