O‘zbekiston respublikasi oliy va o’rta maxsus ta’limi vazirligi

Bu bosqichni amalga oshirishda quyidagilarga axamiyat berish kerak:

• 
  Tuzilgan dastur masalaning algoritmiga to’la mosmi;
  
• 
  Dastur tuzishda algoritmik tilning barcha qoidalariga rioya qilinganmi;
  
• 
  Buyruqlar, maxsus operatorlar va dasturning boshqa tuzilmalari tegishli qoidalarga muvofiq yozilganmi;
  
• 
  Ma’lumotlarning turlari va o’zgaruvchilar bir biriga mos keladimi;
  
• 
  Tsikllar, shartli o’tish operatorlari, buyruqlar, mantiqiy operatorlar va boshqalar to’g’ri yozilgan va ishlatilganmi;
  
• 
  Dasturda ortiqcha va keraksiz, ko’p vaqt talab qiladigan operatsiyalar yo’qmi;
  
• 
  Dasturni tekshirish uchun testlar oldindan tayyorlab qo’yilganmi va ular nimalarni, qaysi modullarni tekshirishga imkon beradi;
  
• 
  Dasturni bir butun tekshirishga imkon beradigan umumlashgan test masala ishlab chiqilganmi va u nimalarni tekshirishga imkon beradi.
  

Agarda testlarning barchasi qanoatlanarli natijalar bersa va tuzilgan dastur boshqa sharoitlarda xam ishonchli ravishda ishlay olsa, dastur sozlangan hisoblanadi.

8. 
   Masalani bevosita EHMda echish va olingan natijalarni tahlil qilish, dasturdan foydalanish uchun ko’rsatmalar yozish.
   

Iqtisodiy masala algoritm asosida tuzilgan va kompyuterda sozlangan programma yordamida avtomatik ravishda echilayotgan paytda dasturda yoki algoritmda ko’zda tutilmagan yoki ruxsat etilmagan xilma-xil holatlar paydo bo’lishi mumkin. Agarda bu xolat masala echilishi uchun printsipial ahamiyatga ega bo’lsa, unda algoritm xam va unga muvofiq ravishda dastur xam tegishli ravishda o’zgartiriladi. Lekin ushbu ish talab qilinmasa va ma’lumotlarni yoki dastur imkoniyatlarini o’zgartirish orqali kerakli natijaga erishish mumkin bo’lsa, dastur ishga yaroqli xisoblanadi va potentsial foydalanuvchilar uchun uning imkoniyatlarini batafsil yoritadigan qo’llanma kerak bo’lib qoladi. Bu qo’llanmada dastur ishlashining barcha xolatlari tushuntiriladi va uni ishlatuvchiga har bir konkret xolatda nimalar qilish zarurligi xaqida ma’lumotlar beriladi. Masalan ma’lum bir holatda yoki ma’lumotlar kombinatsiyasida mashina natija bermadi, chunki bu holat algoritmda ko’zda tutilmagan. Shunday hollarda, agarda EHM ishiga operativ aralashish zarur bo’lib qolsa, muammolarni muvaffaqiyatli hal qilish uchun tajribali operator ishtiroki zarur bo’lib qoladi. Bunda ushbu operator programma tuzuvchi tomonidan avvaldan yozilgan ko’rsatmalarga rioya qilgan holda ish yuritadi yoki dasturga tegishli o’zgartirishlar kiritadi.