O‘zbekiston respublikasi oliy va o‘rta maxsus ta’lim vazirligi yo‘l harakati qoidalari va harakat xavfsizligi asoslari fanidan Amaliy mashg’ulotlarni bajarish uchun uslubiy ko’rsatma

Haydovchining ish o‘rni

Haydovchining ish o‘rni kabinaning o‘lchamlari, boshqarish jihozlarini ishga tushirishning qulayligi, o‘rindikning holati va boshqaruv jihozlarini unga nisbatan joylashuvi, ish o‘rnidagi muhitning ergonomik ko‘rsatkichlari bilan tasniflanadi. Haydovchining ish o‘rni haydovchining antropometrik (odam gavdasining o‘lchamlari) va ruhiy fiziologik tasniflaridan kelib chiqqan holda rejalashtirilishi va jixozlanishi kerak. Haydovchini ish o‘rnidan foydalanish xususiyatlari maishiy qulaylik (komfortabellik) deb nomlanadi.

O‘rindiq - o‘rindiq. taxtasi, yostiqcha, suyanchiq. va amortizatsiyalovchi qurilmadan tashkil topgan bo‘ladi. O‘rindiq taxtasiga uni sozlovchi va tutib turuvchi har xil qurilmalar biriktirilgan bo‘ladi (masalan, suyanchiqning qiyalik darajasiini sozlovchi qurilma). Haydovchi o‘rindiqda qulay joylashib o‘tirganida uning tana a’zolari ma’lum burchaklarni egallashi va boshqarish a’zolarini ishlatayotganida ortiqcha kuchanish talab qilmaydigan bo‘lishi kerak (-rasm).

Haydovchining o‘rindiqda joylashuvining optimal holati

Haydovchining o‘rindiqda to‘gri va noto‘g‘ri o‘tirish holatlari quyidagi rasmlarda ko‘rsatilgan.

a) b) v)

Haydovchining o‘rindiqda to‘g‘ri (a) va noto‘g‘ri (b va v) o‘tirgan holatlari.