O‘zbekiston respublikasi oliy va o‘rta maxsus ta’lim vazirligi yo‘l harakati qoidalari va harakat xavfsizligi asoslari fanidan Amaliy mashg’ulotlarni bajarish uchun uslubiy ko’rsatma

Haydovchining ish o‘rnidagi holati

Haydovchi avtomobilning boshqaruv jihozlari va ularning joylashuvi bilan tanishib chiqqach, avtomobilga o‘tirishi mumkin. Buning uchun u avtomobil yoniga kelib, chap qo‘li bilan eshikni ochadi. Yon tomon bilan turib o‘rindiqqa o‘tiradi va eshikni yopadi.

So‘ng o‘rindiqqa qulay o‘tirganligini baholaydi. Agar o‘tirish noqulay bo‘lsa, u o‘rindikning holatini o‘zgartirib optimal holatni tanlaydi. Bunda u chap oyog‘i bilan ilashma tepkisini oxirigacha bosa oladigan, o‘ng oyog‘i esa tormoz tepkisini va gaz bosqichi orasida bemalol harakatlana oladigan bo‘lishii kerak. Xavfsizlik kamarini taqqan paytda haydovchining ko‘krak qafasi va kamarning tasmasi orasida bir kaft oraliqda tirqish qolishi kerak.

Avtomobilni joyidan qo‘zg‘atishdan oldin har bir haydovchi orqani ko‘rish kuzgularini o‘zi egallab turgan holatga mos ravishda sozlab olishi kerak. Kabina ichida joylashgan ko‘zguning tekis yoki qavariqligi juda kichik bo‘lishi maqsadga muvofiqdir.

Yon tomonga o‘rnatilgan ko‘zgular shunday sozlangan bo‘lishi kerakki, undan haydovchiga ko‘zgu o‘rnatilgan tarafdagi qanotlarning oz qismi va yondagi kenglik bemalol ko‘rinadigan bo‘lishi kerak

Qo‘llar rul chambaragini shunday ushlab turishi kerakki, haydovchi avtomobilni bemalol boshqara oladigan va uzoq, vaqt davomida charchamaydigan bo‘lishi kerak.

Qo‘llarning holatini vaqti-vaqti bilan o‘zgarti­rib turish kerak.

Qo‘llarning holatini yuqorida ko‘rsatilgandek o‘zgartirib turish haydovchining umurtqa pogonasini qotib yoki qiyshayib qolmasligini va oxiroqibatda haydovchilarda «Kasb kasalligining» paydo bo‘lishining oldini oladi.

To‘g‘ri chiziqli harakatda qo‘llarni o‘zgartirib turish holatlari