O'zbekiston respublikasi oliy va o'rta maxsus ta'lim vazirligi toshkent temir yo'l muhandislari instituti

2-MA’RUZA.
2-MODUL.Temir yo‘l transportida mehnat muhofazasining asoslari.
2-Ma’ruza: Temir yo‘l transportida mehnat muhofazasining xuquqiy va tashkiliy asoslari.
MA’RUZA REJASI:
2.1. Temir yo‘l transportida mehnat xavfsizligini ta’minlash chora-tadbirlari;
2.2. Mehnatni muhofaza qilish to‘g‘risidagi qonunlar va boshqa me’yoriy hujjatlarni buzganlik uchun javobgarlik.


2.1. Temir yo‘l transportida mehnat xavfsizligini ta’minlash chora-tadbirlari;
O‘zbekiston respublikasi mehnat vazirligi tomonidan №272 14.08.1996 yil mehnat muhofazasini o‘qitish va bilimlarini tekshirish bo‘yicha namunaviy nizom ishlab chiqqan va barcha korxona, tashkilot, muassasa, institut, ilmiy-tadqiqot tashkilotlari, birlashma, assotsiatsiya, korporatsiya, xolding, tarmoq, vazirlik va h.k. mulk fermasidan qat’i nazar malaka talablari hajmida ishchilar, raxbarlar, mutaxassislar, muxandis-texnik xodimlar uchun mehnat muhofazasidan bilimlarni majburiy nazorat qilish tartibi belgilangan.
Temir yo‘l transporti korxonalariga ishga kirayotgan har bir xodim mustaqil ishlashga faqat xavfli ish usullari bo‘yicha yo‘riqnoma olgandan, maxsus malaka olgandan va bilimi tekshirilgandan keyin qo‘yiladi.
Ishchilar bilan yo‘riqnoma o‘tkazish.Yo‘riqnomalar ikki xil bo‘ladi: kirish yo‘riqnomasi ish joyida o‘tkaziladigan yo‘riqnoma. O‘z navbatida ish joyida o‘tkaziladian yo‘riqnoma 3 xil bo‘ladi: dastlabki, davriy va navbatdan tashqari.
Kirish yuriqnomasi. Barcha ishga yangi kiruvchilar, boshqa korxonalardan xizmat safariga jo‘natilganlar (ish malakasi va stajidan qat’i nazar), hamda praktika o‘tayotganlar va shogirdlar kirish yuriqnomasi o‘tadilar.
Kirish yo‘riqnomasini korxonaning mehnat muhofazasi bo‘yicha mas’ul xodimi yoki shu vazifa yuklatilgan boshqa raxbar xodimi o‘tkazadi. Agar ishga qabul qilish bevosita sexlarda bo‘lsa, kirish yo‘riqnomasini shu sexning boshlig‘i o‘tkazishi kerak.
Shikastlanganlarga dastlabki yordam ko‘rsatish, yong‘in xavfsizligi va boshqa maxsus masalalar bo‘yicha yo‘riqnomalarni tegishli mutaxassislar o‘tkazadilar.
Kirish yo‘riknomasi maxsus adabiyot, ko‘rgazmali qurollar bilan jihozlangan, mehnat muhofazasi xonasida, zamonaviy texnik vositalardan foydalangan holda o‘tkaziladi.
Kirish yo‘riqnomasi guruh bilan va yakka tartibda o‘tkazilishi mumkin. Guruh bilan o‘tkazilganda eshituvchilar soni 10 kishidan oshmasligi kerak.
Kirish yo‘riqnomasi o‘tkazilganligi haqida maxsus jurnalga va ishchi qo‘liga topshiriladigan ishga kirish varaqasiga yozib qo‘yiladi.