O'zbekiston respublikasi oliy va o'rta maxsus ta'lim vazirligi toshkent temir yo'l muhandislari instituti

Ish joyida o‘tkaziladigan yo‘riqnomaning dasturi
1. Texnologik jarayon va uskuna haqida umumiy ma’lumotlar. Asosiy xavfli va zararli ishlab chiqarish omillari.
2. Ish joyiga qo‘yiladigan xavfsizlik talablari.
3. Uskunaning (mashina, stanok, mexanizm) tuzilishi. Xavfli joylari, to‘siqlari, ogohlantiruvchi moslamalari, blokirovka va signal berish sistemalari.
4. Ishga tayyorgarlik tartibi (uning sozligini, kerakli asbob-uskunalarning mavjudligini, erga ulash va boshqa himoya vositalarining mavjudligini tekshirish).
5. Xavfsiz ishlash usullari, xavfli vaziyatlar paydo bo‘lganda qilinadigan ishlar.
6. Korjomalar va shaxsiy himoya vositalari va ulardan foydalanish.
7. Ishchilarning elektr xavfsizligini ta’minlashga qo‘yiladigan asosiy talablar.
8. Sexda xavfsiz harakatlanish sxemasi.
9. Yuk ortish-tushirish va tashish ishlarida xavfsizlik talablari. Yuk ko‘tarish va tashish uskunalari va mexanizmlarini xavfsiz ishlatish.
Davriy yo‘riqnoma
Ishchining malakasi va ish stajidan qat’iy nazar har olti oydan ko‘p bo‘lmagan muddatda xavfsiz ishlash usullari bo‘yicha (davriy) yo‘riqnoma o‘tkazib turiladi.
Davriy yo‘riqnoma o‘tkazib turishdan asosiy maqsad - ishchining asosiy va doimiy bajarib turadigan ishida xavfsizlik qoidalari bo‘yicha bilimlarini yangilab va to‘ldirib turishdir.
Davriy yo‘riqnoma yakka tartibda va guruh bilan o‘tkazilishi mumkin (bir xil kasbdagi ishchilar bilan) va sex yoki korxonada bo‘lib o‘tgan aniq misollarni talqin qilgan holda suhbat o‘tkaziladi.
Turli sabablar bilan (ta’til, kasallik, mehnat safari va sh.o‘.) o‘z muddatida yo‘riqnoma o‘tkazilmagan ishchilar bilan ishga chiqqan kunlari o‘tkaziladi. Davriy yo‘riqnoma o‘tkazilganligi haqida jurnalga yozib rasmiylashtirib qo‘yiladi.
Navbatdan tashqari yo‘riqnoma.
Navbatdan tashqari yo‘riqnoma quyidagi hollarda o‘tkaziladi:
- texnologik jarayon o‘zgarishi, bir uskuna o‘rniga boshqa uskuna o‘rnatilishi va h.k. mehnat sharoitini o‘zgartirganda;
- sexda, bo‘limda yoki brigadada baxtsiz xodisa yoki avariya ro‘y berganda;
- ishlarni xavfsiz bajarish bo‘yicha yangi qoida va yo‘riqnomalarni ishchilar diqqatiga etkazish zarurati tug‘ilgan hollarda;
- ishlab chiqarish intizomi qoida va yo‘riqnomalarning talablari buzilishi aniqlangan hollarda.
Navbatdan tashqari yo‘riqnomada ishchilarga dastlabki yo‘riqnomaning shu yo‘riqnoma o‘tilishiga sabab bo‘lgan qismigina ko‘rib chiqiladi.
Navbatdan tashqari yo‘riqnoma ham dastlabki va davriy yo‘riqnoma kabi bevosita boshliq (usta) tomonidan o‘tkaziladi.
Navbatdan tashqari yo‘riqnoma ham dastlabki va davriy yo‘riqnoma kabi jurnalga yozib rasmiylashtiriladi, faqat bunda sababi ko‘rsatiladi.