O‘zbekiston respublikasi oliy va o‘rta maxsus ta’lim vazirligi toshkent davlat iqtisodiyot universiteti abdurahmonov Q. X., Boqiyeva I. A

 
Qisqacha xulosalar 
Hozirgi kunda tashkilotda personalning rolini tushunishning uchta yondashuvi 
shakllangan: personal — tashkilot xarajatlari; personal — tashkilotning asosiy 
resursi; personal — kapital. Yuqorida belgilangan yondashuvlar audit o’tqazish 
dasturiga ham to’g’ridan to’g’ri ta’sir qiladi. 
Personal auditi — bu o’z ichiga axborotlarni yig’ish, ularning tahlili va natijalari 
asosida mehnat salohiyatidan foydalanish bo’yicha tashkilot faoliyati samaradorligini 
baholash, hamda ijtimoiy mehnat munosabatlarini tartibga solishga oid tadbirlar 
tizimini o’z ichiga oladigan personalni boshqarish sohasidagi ishlar holatining doimiy 
ekspertizasini o’tqazishdir. Uning mohiyati tashkilotda yuzaga kelgan muammolarni 
diagnostika qilish, hamda bu muammolarning naqadar muhimligini baholash va 

---

55 
yechilishi lozimligi yuzasidan tashkilot rahbariyatga aniq tavsiyalarni berishdan 
iborat.
Personal auditi personalni boshqarish tizimini tadqiq qilishning diagnostik 
usulidan foydalanib olib boriladi. Personalni boshqarish tizimida diagnostika ishi 
personalni boshqarish butun tizimining samaradorligini cheklovchi eng zaif qism 
sifatida e’tirof etilishi mumkin. 
Personal – bu sifat tizimidagi asosiy resurs, chunki sifatni ta’minlash va 
yaxshilash uchun sharoitlar yaratuvchi omillar, birinchi navbatda, texnik va hatto 
iqtisodiy ham emas, balki ko’p jihatdan personal bilan bog’liq bo’lgan ijtimoiy 
omillardir. 
ISO standartlarini amalga oshirish sifatni ta’minlash jarayoniga korxonaning 
barcha personali jalb qilinishi kerakligini ko’zda tutadi. Bunda har bir hodim o’zning 
sifat bo’yicha natijalarini ta’minlashga javobgar bo’lishi zarur. ISO 9001:2000 
standarti mahsulot sifatiga ta’sir qiladigan ishni bajarayotgan personal olgan 
bilimlari, tayyorgarligi, tajriba va ko’nikmalariga mos holda kompetent bo’lishi kerak 
Audit ikkita darajada o’tkaziladi. Strategik darajada personalni boshqarish 
siyosatining tashkilot maqsadlari, uning global strategiyasi bilan muvofiqlashganlik 
darajasi aniqlanadi. 
Personal auditi tezkor va strategik darajalarda amalga oshiriladi. Kadrlar 
auditini o’tqazishda maslahatchilar foydalanadigan vositalar turli-tumandir: 
anketalashtirish; tuzilmaviy intervyu; testlar; turli so’rovnomalar; ekspert baholash 
usuli; vaziyatli guruhli diagnostika; mavjud boshqaruv va kadrlarga oid hujjatlarni 
tahlil qilish; kuzatish va boshqalar.