O`zbekiston respublikasi oliy va o`rta maxsus ta`lim vazirligi toshkent davlat texnika universiteti “Geologiya qidiruv” fаkultеti “Nеft va gazni qayta ishlash ob’ektlari” kаfеdrаsi «korroziyadan himoya qilish»

11.3-расм. 10% ли FeCl3∙6H2O эритмасида Fe–Cr қотишмалари питтинг коррозиси тезлигининг эритма концентрациясига боғлиқлиги

Темирга хромнинг қўшилиши Fe–Cr қотишмаларининг пассивланишини хоссасини яхшилайди, унинг коррозион бардошлилигини оширади. Темирга 12 % хромнинг қўшилиши Fe–Cr қотишманинг питтинг коррозиясига бардошлилигини етарлича оширади (11.3-расм).
Графикдан кўринадики, хромнинг концентрацияни 17% гача оширганда қотишманинг питтинг коррозиясига бардошлилиги иккинчи марта кескин ортади. 40% дан ортиқ хром қўшилган қотишмалар худди соф хромга ўхшаб сувли муҳитларда умуман питтинг коррозиясига учрамайди. Хромли пўлатларнинг асосий камчилиги уларнинг мўртлашувидир.
Эриш температурасига яқин ҳароратларда никел ҳам хром каби темир билан қиррали марказлашган кристалл панжара тузилишига эга бўлган бир қатор чидамли қотишмалар ҳосил қилади. Қотишмаларга никелнинг қўшилиши механик хоссаларини яхшилаши билан бир қаторда уларнинг пассивланиш ҳолатини мустаҳкамлайди, питтингли ва тирқишли каби коррозиянинг локал кўринишларига чидамлилигини оширади.

Коррозияга бардошлиликни янада ошириш мақсадида хромникелли зангламайдиган пўлатлар таркибига молибден ҳам киритилади. Молибден пўлатларнинг пассивланишини яхшилайди, қотишманинг питтинг ва тирқиш коррозиясига бардошлилигини оширади, репассивация жараёнини осонлаш-тиради, локал коррозия ўчоғларида металлнинг эриш тезлигини пасайтиради ва индукцион даврни узайтиради. Оксидловчи муҳитларда чидамсиз бўлиши хромникелмолибденли пўлатларнинг асосий камчилиги ҳисобланади.

Хромли ва хромникелли пўлатларга мустаҳкамлик характеристикаларни мужассамлаштириш учун уларни қўшимча равишда волфрам билан легирланади. Бунда волфрам пўлатларнинг мустаҳкамлигини оширади, коррозион хусусиятларини янада яхшилайди.
Азот кучли аустенит ҳосил қилувчи элемент ҳисобланади. У аустенит ва аустенит-феррит пўлатлар учун механик ва коррозион хоссаларни яхшиловчи қўшимча ҳисобланади. Азот углеродга нисбатан қотишмаларнинг мустаҳкамлигини анча яхшилайди, қотишманинг питтинг коррозиясига бардошлилигини оширади, карбидли ва интерметалли фазалар ажралишини секинлатади.