O`zbekiston respublikasi oliy va o`rta maxsus ta`lim vazirligi toshkent davlat texnika universiteti “Geologiya qidiruv” fаkultеti “Nеft va gazni qayta ishlash ob’ektlari” kаfеdrаsi «korroziyadan himoya qilish»

18-маъруза.
КОРРОЗИОН БАРДОШЛИЛИ МЕТАЛЛАР АСОСИДАГИ КОНСТРУКЦИОН МАТЕРИАЛЛАР.
12.6. Қўрғошин (Pb).
12.7. Рух (Zn) ва унинг асосидаги қотишмалар
12.8. Кадмий.
12.9. Титан ва унинг қотишмалари.
12.10. Тантал
Таяч сўзлар: алюминий ва унинг қотишмалари, коррозион бардошлилик, силумин, дюралюминий, протектор, бронза, латун, монел-металл, хастеллой, нихром, станиол, гартблей, рух, деполяризация, пассивланиш, кадмий, титан, тантал, қалай.


18.1. Қўрғошин (Pb).
Қўрғошин – эриш температураси унча юқори бўлмаган (t_эриш= 327,4°С), паст иссиқлик ўтказувчанликли, катта зичликка эга бўлган (ρ = 11,34 г/см³) юмшоқ металл ҳисобланади.
Қўрғошиннинг стандарт электрод потенциали Pb²⁺ + 2е → Pb реакция учун –0,126 В га тенг. Cувдаги рухсат этилган чегаравий концентрация миқдори 0,006 мг/л. Қўрғошиннинг коррозион бардошлилиги унинг коррозия маҳсулотлари барқарорлиги орқали аниқланади.
Коррозион материал сифатида софлиги камида 99,2 % бўлган қўрғошин ишлатилади. Қўшимчалар сифатида қўшиладиган Сu, Sn, As, Fe, Bi компо-нентлари қўрғошиннинг мустаҳкамлик кўрсаткичларини яхшиласада, унинг пластиклигини камайтиради.
Қўрғошин сулфат ва фосфор кислоталаридаги ўзининг юқори коррозион бардошлилиги билан ажралиб туради. Уларнинг тузли эритмалари учун ҳам бу ҳолат ўринлидир.
Қўрғошинга 0,03-0,10 % теллурнинг қўшилиши H₂SO₄ нинг юқори концентрациялари ва юқори ҳароратларида қўрғошиннинг коррозион бардошлилигини яхшилайди. Масалан, 78% ли H₂SO₄ эритмасида легирланган қўрғошин 100 –115 °С ҳароратда ҳам бардошли бўлади (12.4-жадвал). Теллурнинг қўшилиши қотишмадан қоплама сифатида фойдаланиладиган материаллар ва қувурларнинг чарчашга ва коррозияга бўлган қаршилигини оширади. Шунингдек қотишманинг титрашга ва механик юкламаларга бўлган чидамлилигини яхшилайди.
12.4-жадвал
Сулфат кислотасидаги қўрғошин ва унинг қотишмаларида коррозия тезлиги

Материал	Концентрация H2SO4, масс.%	Температура, ^оС	Коррозия тезлиги, мм/йил
Қўрғошин	45–33	20	0,02–0,08
	40–50	90	0,09–0,11
	78	53–57	0,18
	78	95–100	0,24
	98	90	0,36
Сурмали қўрғошин	50	40	0,016–0,018
	78	100–115	0,16
	95,6	20	0,44
Теллурли қўрғошин	78	100–115	0,06
	95,6	20	0,17

Қўрғошиннинг 6-12% Sb билан легирланган қотишмаси юксак механик ва қуйиш хоссаларига эга. У «Қаттиқ қўрғошин» ёки гартблей (ГОСТ 1292-57) номи билан кенг тарқалган. Ундан кислоталарни ювиш насослари-нинг ва юқори кучланиш остида ишловчи аппаратларнинг тайёрланади.