O`zbekiston respublikasi oliy va o`rta maxsus ta`lim vazirligi toshkent davlat texnika universiteti “Geologiya qidiruv” fаkultеti “Nеft va gazni qayta ishlash ob’ektlari” kаfеdrаsi «korroziyadan himoya qilish»

12.9. Титан ва унинг қотишмалари.
Титан – қийин эрийдиган (t_эриш= 1725°С), енгил (ρ = 4,5 г/см³) металл ҳисобланади. Титаннинг стандарт электрод потенциали Ti²⁺+2е → Ti реакция учун –1,63 В га тенг. Ti³⁺ + 3е → Ti жараён учун эса электрод потенциали –1,21 В. Cувдаги рухсат этилган чегаравий концентрация миқдори 0,06 мг/л.
Титант юқори мустаҳкамлик, пластиклик ва коррозион бардошлиликка эга. Ер қобиғидаги титаннинг миқдори 0,58% ни ташкил қилади, конструкцион материаллар орасида кенг тарқалганлиги бўйича алюминий, темир ва магнийдан кейин тўртинчи ўринда туради.
Титан 12Х18Н9 маркали пўлатлар коррозияланадиган кўпгина органик муҳитларда ҳам юқори коррозион бардошлилик намоён этади (12.5-жадвал). Титаннинг ноёб хоссаларидан бири – унинг денгиз суви ва денгиз атмосферасида тўла коррозиябардошлигидир.
12.5-жадвал
Титан ва 18-8 типидаги зангламайдиган пўлатнинг баъзи
муҳитлардаги коррозиябардошлиги

Коррозион муҳит	Температура, ^оС	Коррозия кўрсаткичи, мм/йил
		Ti	Пўлат 12Х18Н9
H2SO4, 75% + HNO3, 25%	90	10,95	0,183
Подшоҳ водкаси	25	0,00083	Жуда тез эрийди
50% ли чумоли кислотаси	90	0	0,35
5% NaCl қўшилган 50% ли уксус кислотаси	90	0,0018	0,474
Атмосфера коррозияси (денгиздан 24 м). 5 йиллик тадқиқот натижалари	25	0	0,0011

Титанни А1, Мо, Та, Nb, Zn, Сu каби металлар билан легирлаганда янада юқорироқ физик-механик ва коррозион хоссаларга эришиш мумкин. Титаннинг цирконий билан қотишмаси мустаҳкам, пластик ва коррозион бардошли. Титан оксидловчи ва хлорид-ионли муҳитларда ўзини яхши тутади.
Титан-молибден қотишмаси водород хлоридли, сулфат ва фосфор кислотали муҳитларда юқори коррозион бардошлилик намоён этади. Масалан, 3% молибден қўшилган титаннинг 100°С ҳароратдаги 5% ли H₂SO₄ эритмасидаги коррозия тезлиги 23,5 марта, агар 5% Мо қўшилса – 117,5 марта камаяди.
Титан ва унинг қотишмалари кимё саноатида сулфат кислотаси, хлор ва қатор органик бирикмалар ишлаб чиқариш аппаратларини тайёрлашда ишлатилади.
Титанни палладий (0,01 % дан 5,0% гача) ва платина билан легирлаганда
унинг H₂SO₄, НС1, Н₃РО₄ ва органик кислоталарда бўлган коррозион бардошлилиги кескин ортади.
Палладий ва платина билан легирланган титан, кимё саноати учун зарур бўлган конструкцион материал сифатида бебаҳо қўшалоқ сифатга –оксидловчи ва оксидламайдиган кислотали муҳитларда коррозиябардош хоссасига эга бўлади. 12.6-жадвалда титан ва унинг 0,2 % Pd ли қотишмалари учун қиёсий характеристикалар келтирилган.