O`zbekiston respublikasi oliy va o`rta maxsus ta`lim vazirligi toshkent davlat texnika universiteti “Geologiya qidiruv” fаkultеti “Nеft va gazni qayta ishlash ob’ektlari” kаfеdrаsi «korroziyadan himoya qilish»

19-маъруза.
НОМЕТАЛЛ МАТЕРИАЛЛАР ВА ҲИМОЯ ҚОПЛАМАЛАРИ.
НООРГАНИК КОНСТРУКЦИОН МАТЕРИАЛЛАР
13.1. Табиий силикат материаллари.
13.2. Сунъий силикат материаллари
13.3. Керамик материаллар
13.4. Боғловчи материаллар.
Таяч сўзлар: органик материаллар, ноорганик материаллар, гранит, бештаунит, андезитлар, асбест, гранит, базалт, диабаз, тош қуймалар, силикат шиша, алюмомагнезиал шиша, кварц шиша, ситалл, шлакоситалл, керамика, фарфор, шиша-эмал, боғловчи моддалар, цемент, бетон, полимербетон.
13.1. Табиий силикат материаллари.
Нометалл материаллар бир қатор алоҳида хоссаларга эга: иссиқлик ўтказувчанликнинг кенг диапазондаги қийматлари; унча юқори бўлмаган зичликлар; металлар билан яхши адгезия; агрессив муҳитлардаги бардошлилик. Бироқ кўпгина нометалл материаллар, айниқса органик авлодлилари фақат 150–200°С ҳароратгача чидайди, ҳароратнинг кескин ўзгаришларига бардош беролмайди, механик ишлов беришларга мойил эмас.
Кимёвий таркибига кўра нометалл материаллар ноорганик материаллар ва органик материалларга бўлинади.
Ноорганик материалларга тоғ жинслари, силикат материаллари, керамика ва б. киради.
Органик материалларга полимер маҳсулотлар, каучук асосли материаллар, графит ва унинг ҳосилалари ва б. киради.
Кислотагаларга чидамли табиий ноорганик материалларга гранитлар, бештаунитлар, андезитлар ва асбест киради.
Гранитлар 70-75% SiO₂, 13-15% А1₂О₃ ва 7-10% магний, калций ҳамда натрий оксидларидан иборат. Иссиқликка чидамлилиги 250°С гача.
Бештаунитларнинг таркиби 60-70% SiО₂ дан иборат. Улар қаттиқ, қийин эрийдиган, 800°С гача иссиқликка чидамли, кислотабардош.
Андезитлар (59–62 % SiO₂) кислотабардош, механик ишлов беришга мойил бироқ мустаҳкамлиги унча юқори эмас.
Асбест – магний силикат дигидрати 3MgO∙2SiO₂∙2H₂O ҳисобланади. У оловга ва кислотага бардошли.
Тоғ жинсларига ишлов беришнинг қийинлиги ва материалларнинг қўполлиги ҳамда бесўнақайлиги уларнинг кенг миқёсда қўлланилишига имкон бермайди. Шундай бўлсада, баъзан улар баҳоси йўқ материал ҳисобланади.
Гранитдан электрофилтрланинг корпуси, азот ва хлорид кислоталар ишлаб чиқаришда ютувчи миноралар, бром ва йод ишлаб чиқариш аппаратлари тайёрланади.
Бештаунитлар футеровка (ўтга чидамли материал) сифатида минерал кислоталар олиш аппаратларида қўлланилади.
Андезитлар ҳам футеровка ҳамда кислотабардош цементлар ва бетонлар учун тўлдирувчи сифатида ишлатилади.
Иссиқликка чидамли бўлган асбест – ип кўринишида филтрловчи мато, тўлдирувчи, жиҳозлар корпусларини изолацияловчи материал сифатида фойдаланилади.