O`zbekiston respublikasi oliy va o`rta maxsus ta`lim vazirligi toshkent davlat texnika universiteti “Geologiya qidiruv” fаkultеti “Nеft va gazni qayta ishlash ob’ektlari” kаfеdrаsi «korroziyadan himoya qilish»

14.3. Мураккаб поликонденсацион пластик массалар.
Бу синфдаги энг кўп тарқалган пластмассалардан бири – фенолформал-дегид пластик массасидир. Тўлдирувчилар қўшилган улар асосидаги композицион материаллар ва қаватли пластиклар саноатнинг турли соҳаларида кенг фойдаланилади.
Фенол-формальдегид смолалари поликонденсация реакциялари бўйича сув ажралиши билан кечадиган жараёнда олинади. Фенолларнинг альдегидлар билан поликонденсацияси кислотали ёки асосий катализаторлар иштирокида олиб борилади.
Кислотали катализатордан фойдаланилганда ва фенол керагидан ортиқча бўлганда бурмаланган (термопластик) смола олинади; ишқорли катализатор иштирокида ва керагидан ортиқча формальдегид бўлганда эса резоль (термореактив) смола ҳосил бўлади.
Қиздирилганда ёки қотирувчилар иштирокида смолалар тўрсимон тузилишга эга бўлган полимерларга ўтади. Тўлдирувчиларнинг турига кўра фенопластлар уч турга бўлинади: прессланган, толасимон ва қаватли. Фенопластларнинг физик-кимёвий ва механик хоссалари 14.3-жадвалда келтирилган.
Асботоладан (асбоволокнит) умумтехник мақсадлар учун мўлжалланган буюмлар (переключателлар, фланцлар, дастаклар, шестерёнкалар) олинади. Материал сув, кислоталарнинг кучсиз эритмалари, ишқорлар таъсирига 300°С ҳароратгача яхши чидайди.
Фаолит — резол смоласи ва асбест асосида тайёрланади. У сулфат кислотаси (ўртача концентрация ва 50°С гача), хлорид кислотаси (ўртача концентрация, 100°С гача), уксус, фосфор кислоталари (80°С гача), лимон кислотаси (70°С гача) да бардошли ҳисобланади. Шунингдек фаолит турли хилдаги тузларнинг жумладан, натрий ва калцийнинг эритмасида (100°С гача), хлор ва олтингугурт ангидри газларининг атмосферасида чидамлидир. У азот кислотаси, ўювчи кислота ва ишқорларга чидамсиз ҳисобланади.
Фаолитдан сиғимлар, ректификацион миноралар, совуткичлар, арматуралар, қувурлар каби хилма-хил буюм ва жиҳозлар тайёрланади. У анча мўрт бўлсада, механик мустаҳкамлиги бўйича кислотабардош керамикадан устун туради, уни 130–150°С ҳароратгача ишлатиш мумкин.
Шиша толалилар (Стекловолокниты) — мустаҳкам, титраш юклама-ларига бардошли, юқори солиштирма мустаҳкамликка эга материал бўлиб, агрессив муҳит ва микроорганизмлар таъсирига чидамли.
Текстолит — фенол-формалдегид смоласи ва қотирувчилар шимдирилган, пахта-қоғоз матолари ёки бошқа қаватли бирикмалар (масалан, асбест матоси) дан прессланиб тайёрланадиган материал. Бунда смола шимдирилган пакетлар 145–150°С гача қиздирилган гидравлик пресс плиталари орасида қисилади. Текстолит фаолитдан мустаҳкамроқ, ундан кучланиш узатувчи деталлар – шестерналар, пўлат арқонлар учун роликлар, муфталар ва ш.к.ларни тайёрлашда фойдаланилади.
Шишатекстолит — толали материалларга мансуб. Тўлдирувчилар сифатида ориентирланган элементар толалар, шиша-жгутлар ёки турлича тўқилган шишатолали материаллар қўлланилади. Тўлдирувчиларнинг кўриниши, шакли ва жойлашуви шишатекстолитнинг хоссаларига асосий

Физик-кимёвий хоссалар	Пресс-кукунлар*		Толалилар			Қаватли пластиклар
	Буралма	Резолли	Асботола	Фолит	Шишатола	Текстолит	Асбест- текстолит	Шиша текстолит
Тўлдирувчи:	Ёғоч уни ва каолин	Кварц уни	Асбест толаси	Асбест толаси	Шиша толаси	Текстил мато	Асбест мато	Шиша мато
Зичлиги, кг/м^3	1400	1750–1900	1950	1650	1700–1800	1300–1400	1500–1700	1700–1900
Мустаҳкамлик чегараси, Мпа: чўзилишда сиқилишда эгилишда	30–50 60 15	50–10 85–115 150–200	30 70 110	20–30 30–60 50–90	80–200 100–200 130	80–120 120–160 230–250	80–100 100–130 300–320	270–300 140 –
Солиштирма ҳажмий электр қашилиги, ом∙м	5∙10^5	5∙10^11–5∙10^12	10^4	10^4	10^10	10^8	10^7	10^12–10^13
Электр мустаҳкамлиги, кВ/м	7–13	16–29	1,1	–	13	6–8	0,5–0,9	10–24
Диэлектрик йўқотиш-нинг тангенс бурчаги, 10^6Гц частотада	0,04–0,09	0,012	0,8–1,0	–	0,05	0,02–0,08	0,8–0,9	0,02–0,03 10^10Гц частотада
Пресслаш температураси, ^оС	150	170	170–190	200	150–170	140–170	145–170	150–170
Қўллашнинг темпе-ратура чегараси, ^оС	140	140	200–300	120–160	200	100–120	200	250
*Буралмали (ортиқча фенол, катализатор – кислота); резолли (ортиқча формалдегид, катализатор – ишқор);