O`zbekiston respublikasi oliy va o`rta maxsus ta`lim vazirligi toshkent davlat texnika universiteti “Geologiya qidiruv” fаkultеti “Nеft va gazni qayta ishlash ob’ektlari” kаfеdrаsi «korroziyadan himoya qilish»

13.1-жадвал
Керамик буюмлар таркиби

Буюмлар	Кимёвий таркиби, масс.%					Ғовак лиги, %
	SiO2	Al2O3	Fe2O3	CaO	K2O+Na2O
Кислотабардош плиткалар	51–68	24–38	1–5	1–2,5	0,5–5	2–4
Кислотабардош ғишт	55–70	15–25	1–5	1–2,5	0,5–2	4–8
Аппаратура керамикаси	50–67	23–34	1–1,4	1–1,4	2–6	< 1
Фарфор	60–67	20–22	0,3–0,4	0,4–0,5	4–4,5	< 0,1

Зич керамика буюмлари минерал кислоталарда (эритувчи кислотадан ташқари) юқори кислотабардошлик намоён қилади, баъзи керамика турлари ишқорларнинг кучсиз ва ўрта концентрацияли эритмаларида чидамли бўлади. Мўртлик ва ҳароратнинг кескин ўзгаришига сезгирлик керамика буюмларининг камчилиги ҳисобланади. Шунинг учун бундай буюмларни ишлатишда ҳароратни аста-секин, минутига 2–3°С ошириб бориш тавсия этилади.

Керамик деталлар ва аппаратлар зарбларга, силташларга, эгишга чидамайди. Керамикадан футерлаш плиткалари, кувур ўтказгичлар, реакторлар, совуткичлар, абсорберларнинг деталлари ваб. тайёрланади.
Фарфор сув ва газни ўтказмайдиган нозик кристалли материал ҳисобланади. Уни 1300-1450°С ҳароратда пишириш орқали ҳосил қилинади. Фарфор кислотабардош, эритувчи кислота ҳам емира олмайдиган, қаттиқ, ишқаланишга чидамли, юқори мустаҳкамликка эга, иссиқбардош, ҳароратнинг кескин ўзгаришини сезмайдиган (20–1000°С), ғоваклиги жуда паст. Фарфордан тайёрланган аппаратуралар очиқ алангада қиздирилганда ҳам чидайди.
Фарфор фармацевтика, озиқ-овқат, парафюмерия синоатида, яъни жуда тоза маҳсулот ишлаб чиқариладиган барча соҳаларда аппаратлар тайёрлаш учун қўлланилади. Кимё саноатида ундан кичикроқ сиғимли аппаратлар, вакуум-аппаратлар, филтрлар, тигллар, косачалар ва бошқалар ясалади. Ўтга чидамли материалларнинг турш, яримтурш, самот, талк кўринишлари мавжуд. Улар бир-биридан кимёвий таркиби билан фарқ қилади ва маълум бир муҳитларда ишлатиш учун мўлжалланган. Ўтга чидамли материаллар асосан юқори ҳароратларда ишловчи аппаратлар ва печлар учун футерловчи ҳамда қурилиш материали сифатида кўп ишлатилади.
Ғовак керамикадан электролит ванналар учун филтрловчи элементлар тайёрланади. Улардан филтрловчи плиткалар, поролит плиткалар, кислород қурилмалари учун филтрлар ясалади. Улардан каталитик жараёнларнинг охирги босқичларида газни нозик тозалаш мақсадида фойдаланилади.
Филтр-прессларда ғовак керамика пластинкалари орқали суспензиялар филтрланади. Шунингдек ғовак керамикадан электролизёрлар учун диафрагмалар тайёрланади.