O`zbеkiston rеspublikasi oliy va o`rta maxsus ta'lim vazirligi tеrmiz davlat univеrsitеti tabiiy fanlar fakultеti

2. Оч ичак ўн икки бармоқ ичакнинг давоми бўлиб ингичка ичакнинг 
тахминан 2/5 қисмини ташкил қилади. 
3. Ёнбош ичак ичакнинг 3/5 қисмини ташкил қилади.
Ингичка ичак девори уч қаватдан, яъни шиллиқ парда ва унинг
шиллиқ ости қавати, мускул парда, сероз пардалардан ташкил топган. 
Йўғон ичак овқат ҳазм қилиш йўлининг охирги қисми бўлиб, ингичка 
ичакдан кейин бошланиб, орқа чиқарув тешиги билан тугайди. Узунлиги 1, 5-
2 м, диаметри бош қисмида 7 см, охирига келиб 4 см ни ташкил этади.
Йўғон ичак девори шиллиқ қават, шиллиқ ости, мускул ва сероз
пардаларини ташкил этади . 
Йўғон ичакда қуйидаги қисмлар тафовут этилади: кўричак 
(чувалчангсимон ўсимта билан), кўтарилувчи чамбар ичак, кўндаланг чамбар 
ичак , тушувчи чамбар ичак, “S” симон ичак, тўғри ичак .
Кўричак йўғон ичакнинг бошланғич қисми бўлиб, узунлиги 7-7, 5 см, 
эни ҳам 7-8 см атрофида бўлади. У ўнг тарафдаги ёнбош чуқурчада 
жойлашган, унинг ёнбош ичакка қўшилган жойида юқори ва пастки лабдан 
тузилган қопқоқ бўлади. Бу қопқоқ кўричакка қараб очилганида овқат 
ингичка ичакдан йўғон ичакка бемалол ўтади. Аксинча кўричакдан ингичка 
ичакка қайтиб ўтишга йўл қўймайди. 
Кўричакнинг пастки юзасидан чувалчангсимон ўсимта (аппендикс) 
ўсиб чиқади. Унинг узунлиги 5-6 см дан 18-20 см гача, диаметри 3-4 см 
бўлади. 
Кўтарилувчи чамбар ичак кўричакнинг давоми бўлиб, тикка 
йўналади ва ўнг қовурға ости соҳасида жигарнинг пастки юзасига бурилиб, 
кўндаланг чамбар ичакка ўтади. Узунлиги 18-20 см, олдинги ва ён томондан 
қорин парда билан ўралган, орқа томони очиқ қолади . 

---

112 
Кўндаланг чамбар ичак кўтарилувчи чамбар ичакнинг давоми бўлиб, 
тутқич ёрдамида қорин бўшлиғининг орқа деворига туташиб туради.У чап 
томондан жигарнинг катта бўлаги пастки юзасидан то талоқгача кўндаланг 
жойлашади ва меъданинг катта эгрилигига ёндашиб туради Кўндаланг 
чамбар ичак орқа томонидан ўн икки бармоқли ичак ва меъда ости безига 
тегиб туради. Унинг узунлиги 30-40 см га тенг.