O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

Preparat: Perenospora Schleidenii zamburug’idan preparat tayyorlab, mikroskopda ko’rish.

3. Zang kasalligini – Puccinia allii zamburug’i qo’zg’atadi. Zang kasalligi bilan piyozning hamma navlari zararlanadi. Kasallik qo’zg’atuvchi zamburug’ bir uyli bo’ladi. Kasallikni yalpi rivojlanishi urediniya bosqichiga to’g’ri keladi, bunda uredosporalar ya’ni o’simlikning zararlangan organlarida och sariq, yostiqchasimon dog’lar qo’ng’irlashib, teleytosporalar hosil qiladi. Kasallik qo’zg’atuvchi zamburug’ o’simlik qoldiqlrida teleytosporalar holida qishlaydi.

Preparat: Puccinia allii zamburug’idan preparat tayyorlab, teletosporalarini mikroskopda ko’rish.

4. Qora kuya kasalligini- Urocystis cepulae Frost zamburug’i keltirib chiqaradi. Qora kuya kasalligi bilan o’simlik birinchi yili zararlanadi. Zararlangan barglar qiyshayib, ba’zi joylari shishib yoriqlar hosil qiladi. Bunday yoriqlar ichida qora kuya massasi atrofga tarqaladi. Zararlangan piyoz boshlarni kesib ko’rilganda, piyoz qatlamlarida qo’ng’ir dog’lar hosil bo’lganini, ya’ni xlamidosporalarni ko’rish mumkin. Kasallik qo’zg’atuvchi zamburug’ xlamidosporalar holida tuproqda saqlanadi, shu orqali ular piyozboshi va o’simlik qoldiqlariga o’tadi.