O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

Bodom barglarini bujmayish kasalligi. Kasallikni Taphrina amygdai zamburug’i qo’zg’atadi. O’sib chiqqan barglar zamburug’ bilan zararlanishi tufayli bujmayib, bo’rtib chiqadi. Bujmaygan barg sirtida zamburug’ning miseliylaridan iborat bo’lgan oq g’uborlar hosil bo’ladi. Kasallikni qo’zg’atuvchi zamburug’ o’sish davrida sog’ o’simliklarga sporalari orqali o’tadi. Infeksiya manbai sifatida o’simlik kurtaklari va po’stlog’ida qishlab chiqqan xalta ichidagi sporalar bo’lib hisoblanadi.

Bodomning parsha kasalligi. Bu kasallikni Fusicladium amygdali zamburug’i qo’zg’atadi. Kasallik belgilari o’simlikning bargi va mevalarida kuzatiladi. Kasal barg yuzasida och yashil dog’lar hosil bo’ladi. Keyinchalik dog’ sirtida yaqqol ko’zga tashlanadigan yashil-qo’ng’ir g’uborlar yuzaga keladi. Butun yoz davomida zamburug’ konidiyalari orqali sog’ o’simliklarga o’tadi. O’simlikning zararlangan a’zolarida va barg qoldiqlarida peritesiy meva tanalari yordamida qishlab chiqadi.