O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

Kasallikning zarari. Kasallikning hosilga ta’siri ob-havo, nav chidamliligi va qo’llanilgan agrotexnika usullari bilan bog’liq; u olma va nok daraxtlarida barglar to’kilishi tufayli, daraxt kuchsiz bo’lib qolishi va meva hosili kamayishiga hamda ularning sifvti (bozorbopligi) pasayishiga olib keladi. Olma va nok ko’chatzorlarida eng xavfli kasalliklardan biri hisoblanadi.

Zararlanadigan ekin turlari. Zamburug’ asosan olmani, kamroq darajada nokni zararlaydi.

Qo’zg’atuvchining belgilari. Kasallikni Podosphaera leucotrichaaskomiset zamburug’i qo’zg’atadi; anamorfasi Oidium farinosum. Kleystotesiylar dumaloq yoni biroz noksimon shaklli, diametri 75-96 mkm,

to’q-qo’ng’ir tusli, guruhlarda yoki yakka-yakka joylashgan, ustki qismida dasta bo’lib joylashgan 3-12 ta o’simtalari bor; ular jigarrang tusli, 150-850x6-10 mkm, uchi rangsiz, to’mtoq yoki 1-2 marta dixotomik shoxlangan. Xaltachalari 55-70x44-50 mkm, dumaloq yoki kalta ellips shaklli, 8 ta sporali. Askosporalari 22-36x12-15 mkm, tuxum yoki ellipsoid shaklli. Konidiyalari 19-38x9-17 mkm, ellipsoid shaklli, rangsiz, pastki qismi kesilgan, uzun zanjirlar hosil qiladi.

Ma’lumotlarga ko’ra nokda un-shudringni yana 2 ta zamburug’ qo’zg’atadi. Bular Podosphaera oxycanthae f. sp. piriva Phyllactinia suffulta f. sp. piri .