O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

Viruslar va mikoplazmalarni o’simliklarda yuzaga keltiradigan kasalliklarning belgilari. O’simliklarda viruslar keltirib chiqaradigan kasalliklarning tashqi belgisiga qarab mozaika, o’simlik a’zolarining o’zgarishi va qo’ng’ir dog’larni hosil bo’lishi turlariga bo’linadi.

Mozaika tufayli zararlangan o’simlikning barglari, poyasi, guli va mevasida ranglar g’allanib joylashadi. Mozaikada o’simlikni sog’ a’zosidagi rang bilan oq-sarg’ish och yashil yoki boshqa ranglar bilan gallanib joylashadi.

Misol tariqasida bodringning mozaika kasalligini olish mumkin. Zararlangan o’simliklarning barglari sog’lomga nisbatan mayda bo’lib, unda to’q yashil, och yashil va sariq yashil qismlar yaqqol ajralib turadi. Barg u yoki bu darajada tirishgan bo’ladi. Kasallikning bunday belgilari o’simlikning yuqorigi barglarida yaqqol ko’rinadi. Mevalarda ham shunday mozaikani kuzatish mumkin. Zararlangan mevalarning sirti notekis bo’lib, to’q yashil qismi bo’rtib chiqqan bo’lib, ko’pincha mevalar ko’rimsiz bo’lib qoladi.