O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

Vertisillioz so’lish kasalligini qo’zg’atuvchisi takomillashmgan zamburug’lar sinfi, Hyphomycetales tartibi, Verticilliumdahliae turiga mansub zamburug’lar keltirib chiqaradi. Zamburug’ miseliysi rangsiz, konidiylar tarmoqlangan konidiya bandlarida hosil bo’ladi. Tuproqda mikrosklerosiyalar va xlamidosporalar hosil qiladi. Zamburug’ning rivojlanishiga minimum harorat 5-7⁰ S, optimum 23-26⁰S, maksimum 31-32⁰S tashkil qiladi. Tuproqdagi namlik miqdori 60-70% bo’lganda zamburug’ tez rivojlanadi. V. dahliae zamburug’i 38 oilaga mansub bo’lgan 400 ortiq o’tsimon, daraxt o’simliklarni kasallantiradi. Respublika sharoitida V. dahliae zamburug’ining 2 ta rassasi mavjud bo’lib, 1-rassasi g’o’zaning 108-F va Toshkent navlarini, II- rassasi esa barcha g’o’zaning kasallikka chidamli navlarni kasallantiradi. Vertisillioz vilt kasalligi paxtachilik uchun zararli kasallik hisoblanib, uning ta’sirida 22-70% hosildorlik pasayadi.