O‘zbekiston respublikasi oliy va o‘rta maxsus ta’lim vazirligi samarqand veterinariya meditsinasi instituti

Topshiriqlar variantlari:
1.Ko’p yillik dukkakli o’tlarning morfologiyasi o’rganish.
2.Ko’p yillik dukkakli o’tlarni bir yillik dukkakli o’tlardan farqi va ustunlik tomonlarini o’rganish.


Nazorat uchun savollar:
1.Ko’p yillik dukkakli o’tlarning morfologiyasi.
2.Bedaning xalq xo’jaligidagi ahamiyati va morfologiyasi.
3.Bedani pichan uchun yetishtirish.
4.Urug’ uchun o’stirish xususiyatlari


8-Amaliy mashg’ulot
XAShAKI ILDIZMEVALI EKINLARNING MORFOLOGIYASI


Dars maqsadi: Xashaki lavlagini morfologik belgilarini aniqlashni o‘rgatish va talabalarda ma’lum ko‘nikmalarni hosil qilish.
Ko‘rgazma material: Xashaki lavlagi navlari, ildizmevalari
Uslubiy materiallar- tarqatma materiallar, o‘quv qo‘llanmalar, rasmlar.
Ildizmevali ekinlar ildizida oziq moddalar to‘playdi, ular uglevodlarga boy, tarkibida engil hazmlanadigan oqsil, kletchatka, mineral moddalar va vitaminlar bo‘ladi. Bu ekinlarning ildizmevasini chorva hayvonlari zo‘r ishtaha bilan eydi.
Ildizmevali ekinlarning palagi ham to‘yimli, vitaminlarga boydir.
Barcha ildizmevali ekinlar ikki yillik bo‘lib, birinchi yili ular ildiz bo‘g‘zida to‘pbarglar va yo‘g‘on sershira ildizmeva tugadi. Urug‘ olish uchun ildizmevalilarbirinchi yili kavlab olinadi va qishda mahsus joylarda yoki omborlarda saqlanib, bahorda qayta ekiladi, bu ekilgan poya, barglar, gullar, mevalar hosil qiladi hamda urug‘ beradi.
Ildizmevali ekinlardan ayrimlarini qishi sovuq bo‘lmaydigon joylarda kavlab olmasdan dalada qoldirish ham mumkin.Barcha ildizmevali ekinlarning ildizmevasi uzunasiga olganda uch qismga bo‘linadi: boshcha, bo‘yincha va haqiqiy ildiz. Ildiz boshchasining pastki chegarasi ildizmevaning eng pastki barglari chizig‘iga to‘g‘ri keladi.Ildiz boshchasi butunlay er yuzasida rivojlanadi.
Ildiz bo‘yinchaci ildiz boshchasi bilan haqiqiy ildiz oralig‘ida joylashgan, bu qismda bargda ham ildizlar ham bo‘lmaydi.
Haqiqiy ildiz qismi bir oz panasimon bo‘lib, yaxshi rivojlangan pastki qismidir. Bu qisimda yonildizlar rivojlanadi.