O'zbekiston respublikasi oliy va o’rta maxsus ta’lim vazirligi samarqand davlat universiteti raqamli texnologiyalar fakulteti “dasturiy injiniring” kafedrasi 70610101 – «kompyuter ilmlari va dasturlash texnologiyalari»

httpd.conf konfiguratsiya fayli. Apache WEB-server ishga tushirilgandan keyin o‘zining konfiguratsiya fayli httpd.conf-ni o‘qiydi. Slackware Linux-da bu fayl /etc/apache katologida joylashgan bo‘ladi.
2.5 Apache WEB-serverining parametrlari
Quyida Apache WEB-serverining konfiguratsiya faylida aniqlash mumkin bo‘lgan asosiy parametrlari keltirilgan.

Parametrlar	Tavsifi
ServerRoot	Bu parametr WEB-server katologlari daraxtining o‘zagini aniqlaydi. Bu katolog html fayllarni saqlash uchun mo‘ljallanmagan.
PidFile	WEB-server yuklangandan keyin o‘zining PID-ini joylashtiradigan faylga yo‘lni aniqlaydi
KeepAlive	Agar parametr On qiymatiga ega bo‘lsa – WEB-server bitta ulanishda bir nechta resurslarni berish imkoniyatiga ega bo‘ladi.
MaxKeepAliveRequests	Bitta ulanishdagi so‘rovlarning maksmal sonini aniqlaydi.
KeepAliveTimeout	Parametr vaqtni sekundlarda aniqlaydi. Agar klient ushbu vaqt mobaynida keyingi resursni so‘ramasa server ulanishni ajratadi.
IfModule	Bu direktiva mos modul yuklanganligini tekshiradi va agar u yuklangan bo‘lsa, ushbu modulga maxsus parametrlarni qo‘llaydi.
StartServers	WEB-serverning yuklanishda hosil bo‘lgan qism serverlar soni
MinSpareServers	WEB-serverning minimal nusxalari soni
MaxSpareServers	WEB-serverning maksimal nusxalari soni
MaxClients	Serverda qayta ishlov beriladigan so‘rovlar sonini aniqlaydi.
MaxRequestsPerChild	Bitta jarayon qayta ishlashi mumkin bo‘lgan so‘rovlarning maksimal sonini aniqlaydi.
Listen	WEB-server so‘rovlarni qabul qiladigan IP-adres va portni aniqlaydi. Agar IP-adres ko‘rsatilmagan bo‘lsa – server barcha tarmoq interfeyslaridan so‘rovlarni qabul qiladi.
LoadModule	Modul nomi va u joylashgan faylni bog‘lash parametri
Include	Tashqi konfiguratsiya fayllari bilan bog‘lash direktivasi
Port	WEB-server so‘rovlarni qabul qiladigan portni aniqlaydi
User	WEB-server-da ishlash huquqiga ega bo‘lgan foydalanuvchilarni aniqlaydi.
Group	WEB-server-da ishlash huquqiga ega bo‘lgan guruhni aniqlaydi.
ServerAdmin	Server administratorining Email-ini aniqlaydi
DocumentRoot	html fayllar joylashadigan katologni aniqlaydi.