O’zbеkiston rеspublikasi oliy va o’rta maxsus ta'lim vazirligi samarqand davlat universiteti Maktabgacha va boshlang’ich ta’lim fakulteti

O'yin nomi: Kim birinchi?
O'yin maqsadi: O'quvchilar ongida geometrik figuralarni shakllantirish .
O'yin qoidasi: Guruhlarning barcha ishtirokchilari qatnashadi. O'yin 3 daqiqadan oshmasligi shart.
O'yin mazmuni: O'quvchilar aylana stol - stul atrofida o'tirgan bo'ladi. O'qituvchi 3 ta oq qog'oz bilan kley va kоnvert beradi. 3 daqiqa ichida konvert ichidagi shakllardan soyabon , uycha , qorbobo , archalarni oq qog'ozlarga kley yordamida yopishtirishini aytadi. Belgilangan vaqt ichida o'quvchilar chaqqonlik bilan yasaydilar va birinchi bo'lib bajargan guruh rag'batlantiriladi.
«Jim» o'yini
Didaktik topshiriq: O'quvchilarning og'zaki hisoblashga doir malaka va ko'nikmalarini mustahkamlash.
O'yin topshirig’i: O'quvchilarning fikrlash qobiliyati va tasavvurini shakllantirish.
O'yin bayoni: Bu o'yin uchun quyidagi jihozlar tayyorlanadi. Magnitli doska, turli shaklda berilgan misollar yozilgan ko'rgazmalar, raqamli kartochkalar.
O'qituvchi o'yinning sharti bilan o’quvchilarni tanishtiradi. Magnit doskaga turli shaklda misollar yozilgan rasm yopishtirib qo'yiladi. So'ng o'qi­tuvchi qaysi misolni ko'rsatsa, o'sha misolning javobini raqamli kartochka orqali ko'rsatishi lozim. Bunda oddiydan murakkabga qarab ish tutilsa maqsadga muvofiq bo'ladi.
Mana bu shaklga yaxshilab ahamiyat bering. 24 hosil qilish uchun 8, 9, 6, 4, 5, 7 sonlariga qaysi sonlarni qo'shsak hosil bo'ladi. Javobini raqamli kartochkalar yordamida ko'rsatishingiz kerak deb tushuntiriladi.
Bo’sh katakchalar o'rniga shunday son qo'yingki, undan 100 hosil bo'lsin deb aytiladi. O'quvchilar tez fikrlab javobini raqamli kartochkalar orqali ko'rsatishlari kerak. Bu o'yin o'quvchilarning mantiqiy fikrlash qobiliyatini, hozirjavobligini, topqirligini o'stirishga yordam beradi. O'qituvchi o'quvchilarning raqamli kartochka orqali to'g'ri javob berganliklarini, kim xatolikka yo'l qo'yganliklarini o'z vaqtida baholab rag'batlantirib borishi kerak.
Bunday o'yinlar o'quvchilarning og'zaki hisoblashi va qiziqishining ortishiga katta yordam beradi.