O‘zbekiston respublikasi oliy va o‘rta maxsus ta’lim vazirligi pedagogik innovatsiyalar, kasb-hunar ta’limi boshqaruv hamda pedagog kadrlarini qayta tayyorlash va ularning malakasini oshirish instituti

3.2. Amaliy ta’lim mazmuni

Amaliy mashg‘ulotlar davomida tinglovchilar kadrlar tayyorlash sifatini ta’minlash ishlari, ta’limni rejalashtirish va boshqarishdagi mustaqillik shakllantirgan holda quyidagi amaliy topshiriqlarni bajaradilar:

1-amaliy mashg‘ulot. Vebinar, onlayn ma’ruza, «blended learning», «flipped classroom» texnologiyalarini amaliyotga joriy etish. Masofaviy ta’lim platformalari va ulardan foydalanib, ta’lim jarayonlarini tashkil etish. Tinglovchilarda ta’lim jarayonida va uni boshqaruvida «bulutli texnologiyalar»dan foydalanish, ijtimoiy tarmoqlardan (telegramm kanal, telegramm bot) axborot xavfsizligi doirasida foydalanish ko‘nikmalari rivojlantiriladi. Kanal — axborot mazmunli-matnlar, havolalar, media fayllarni chop etish uchun mikroblog. U ta’limni boshqaruvida yangiliklar, muallifning eslatmalari, maqolalar anonslari uchun qo‘l keladi.(2 soat).
2-amaliy mashg‘ulot. Ta’lim jarayonlarida «bulutli texnologiyalar»dan foydalanish. Bulutli texnologiyalardan foydalangan holda o‘quv jarayonini va axborot ta’lim maydonini takomillashtirish. Elektron ta’lim resurslarini yaratish, ulardan ta’lim tizimida foydalanish. Ta’lim jarayonini boshqarish va tashkillashda telegramm tarmog‘ida so‘rovnoma yaratish, baholash materiallari yaratish. QR-kod va undan foydalanish doirasidagi tinglovchilarning malaka darajalari oshiriladi. (2 soat).
3-amaliy mashg‘ulot. Multimediali interaktiv o‘quv-uslubiy qo‘llanmalarni va elektron ta’lim resurslarini yaratish, ulardan ta’lim tizimida foydalanish. Tinglovchilar professional ta’lim muassasalari boshqaruvida «bulutli texnologiyalar» imkoniyatlaridan foydalangan holda vebinar, onlayn ma’ruza, onlayn konferensiya (ZOOM tarmog‘ida) tashkil etish malakasiga ega bo‘ladilar. Onlayn Zoom platformasi internet aloqasidan foydalanib, videokonferensiyalar, seminarlar, onlayn videodarslar tashkil qilishga mo‘ljallangan dastur hisoblanadi. Bu sohadagi tinglovchilardagi mavjud kasbiy kompetensiyalar rivojlantiriladi.