O‘zbekiston respublikasi oliy va o‘rta maxsus ta’lim vazirligi pedagogik innovatsiyalar, kasb-hunar ta’limi boshqaruv hamda pedagog kadrlarini qayta tayyorlash va ularning malakasini oshirish instituti

I. TUSHUNTIRISH XATI

Mamlakatimizda raqamli iqtisodiyotni faol rivojlantirish, barcha tarmoqlar va sohalarda, eng avvalo, davlat boshqaruvi, ta’lim, sog‘liqni saqlash va qishloq xo‘jaligida zamonaviy axborot-kommunikatsiya texnologiyalarini keng joriy etish bo‘yicha kompleks chora-tadbirlar amalga oshirilmoqda.

Mazkur dastur 2020 yil 23 sentyabrda O‘zbekiston Respublikasi “Ta’lim to‘g‘risidagi”gi Qonuni, O‘zbekiston Respublikasi Prezidentining 2020 yil 10 maydagi “Raqamli O‘zbekiston—2030» strategiyasini tasdiqlash va uni samarali amalga oshirish chora-tadbirlari to‘g‘risida”gi PF-7069 son Farmoni, 2019 yil 6 sentyabrdagi “Professional ta’lim tizimini yanada takomillashtirishga doir qo‘shimcha chora-tadbirlar to‘g‘risida”gi PF-5812-sonli Farmoni, Vazirlar Mahkamasining 2020 yil 7 avgustdagi «O‘zbekiston Respublikasida uzluksiz boshlang‘ich, o‘rta va o‘rta maxsus professional ta’lim tizimini tartibga soluvchi normativ-huquqiy hujjatlarni tasdiqlash to‘g‘risida» 466-son qarorlari talablaridan kelib chiqqan holda malaka oshirish tizimini isloh qilish va rivojlantirish maqsadida ishlab chiqilgan.
Yuqorida keltirilgan qarorlarda belgilangan ustuvor vazifalar mazmunidan kelib chiqqan holda tuzilgan mazkur ishchi dastur professional ta’lim muassasalari rahbar va pedagog kadrlarining kasb mahorati hamda innovatsion kompetentligini rivojlantirish, sohaga oid ilg‘or xorijiy tajribalar, yangi bilim va malakalarni o‘zlashtirish, shuningdek amaliyotga joriy etish ko‘nikmalarini takomillashtirishni maqsad qiladi.
Qayta tayyorlash va malaka oshirish yo‘nalishining o‘ziga xos xususiyatlari hamda dolzarb masalalaridan kelib chiqqan holda dasturda tinglovchilarning faoiliyati doirasidagi bilim, ko‘nikma, malaka hamda kompetensiyalariga qo‘yiladigan talablar takomillashtirilishi nazarda tutiladi.
Ushbu o‘quv modulida tinglovchining o‘quv yuklamasi - 8 soat bo‘lib, shundan:
Jami auditoriya o‘quv yuklamasi - 6 soat;
Jumladan: Nazariy mashg‘ulotlar - 2 soat;
Amaliy mashg‘ulotlar - 4 soat;
Ko‘chma mashg‘ulot - nazarda tutilmagan;
Mustaqil tayyorgarlik - 2 soat.