O‘zbekiston respublikasi oliy va o‘rta maxsus ta’lim vazirligi o‘zbekiston respublikasi madaniyat vazirligi o‘zbekiston davlat san’at va madaniyat instituti

Konsert va spektakllar. Mazmun va g‘oyaviy tomondan yetuk, yoshlar va

bolalar muammolarini hal qilishda kо‘maklashuvchi, ularni vatanga muhabbat, insonlarga mehr-muruvvatli bо‘lishga chorlovchi spektakllar, yuksak darajada ijro etilgan bolalar badiiy jamoalarining konsert dasturlari insonlarning dam olishini tashkil qilish, ularda estetik saviyani о‘stirishda va san’atning kо‘plab yо‘nalishlari bо‘yicha qiziqishlarini orttirishda alohida о‘rin egallaydi. Bolalar badiiy jamoalarining konsert dasturlari va ular uchun sahnalashtirilgan spektakllarni muntazam ravishda kо‘rib borgan bolalarda ushbu san’at turlariga bо‘lgan qiziqish о‘sib, о‘zlarida ham qо‘shiq aytish, raqsga tushish, musiqa asboblarida kuy ijro etish yoki biror-bir bolalar spektaklida о‘zi sevgan timsolni yaratish ishtiyoqi paydo bо‘ladi. Bu havas va ishtiyoq ularni turli badiiy havaskorlik tо‘garaklariga qatnashishga yetaklaydi. Maqsad va ma’nosi, ijro uslublari milliy qadriyatlarimiz, ma’naviyatimizga zid bо‘lgan shovqin-suronli qо‘shiq va raqslar nafaqat ijrochi yoshlarga, balki ularni tomosha qilayotgan bolalarga, hattoki katta yoshdagi kishilarga ham salbiy ta’sir kо‘rsatadi. Tadbir va konsert dasturlarimizda ona vatanni, xalqlar dо‘stligi, milliy о‘zligimiz, el-yurt tinchligi, azaliy qadriyatlarimizni madh etuvchi hamda ulug‘lovchi qо‘shiqlarga keng yо‘l berilishi lozim. Ayniqsa xalq ijodiyoti asosidagi folklor qо‘shiqlarimiz, milliy raqslarimizning ijrosi, farzandlarimizda azaliy

qadriyatlarimizga hurmat hamda milliy о‘zligimizga bо‘lgan e’zozni kuchaytiradi. Yurtimiz kо‘p millatli xalq bо‘lgani uchun ularning san’atlari ham rangbarang.Milliy madaniyat markazlarining badiiy jamoalari tomonidan ijro etilgan milliy qо‘shiq va raqslar esa har qanday insonda о‘sha millatga bо‘lgan qiziqishni о‘stiradi. Konsert dasturlarimizdan ularga imkoniyat yaratib berishimiz о‘sha millatga bо‘lgan hurmatimizni anglatibgina qolmay, dasturlarimizni rang-barang va qiziqarli о‘tishiga omil bо‘ladi.