O’zbеkiston rеspublikasi oliy va o’rta maxsus ta’lim vazirligi nizomiy nomidagi toshkеnt davlat pеdagogika univеrsitеti

                   Og’irlik / vazn / o’lchovlari. 
 Botmon-mann  yaqin  va  O‘rta  Sharq  mamlakatlarida,  jumladan,  O‘rta 
Osiyoda  ishlatilib  kelingan  og‘irlik  o‘lchovi.  Yozma  adabiyotda  mann,  xalq 
orasida  ko‘proq  botmon  deb  yuritilgan.  Bu  og‘irlik  o‘lchovi  turli  joyda  turlicha 
vaznni  bildirgan.    XIX  asrda  Xorazmda  2016-40,95  kilogrammga,  Buxoro  va 

---

 
133 
Samarqandda,  asosan,  8  pud  /131  kg/ga  Toshkentda  10,5  pud    /171,9  kg/ga  teng 
bo‘lgan.  Ayni  vaqtda  botmon  maydon  o‘lchovi  ham  hisoblangan.  Bir  botmon 
urug‘ /bugdoy/ ketadigan joy "bir botmon yer" deb atalgan. Botmon so‘zi yozma 
adabiyotda  dastlab  Maxmud  Qoshg‘ariyning  "Devoni  lug‘ati  turk"  asarida  qayd 
qilingan. Bir qancha olimlar botmon turkiy "botmon, botib ketmoq, cho‘kmoq" va 
arabcha "mann" so‘zlaridan kelib chiqqan deb hisoblaydilar.  
 Daksari  bu  o‘lchov  birligi  O‘rta  Osiyo  shaharlarida,  jumladan,  Samarqand 
va Buxoroda botmon chorak qismiga teng. 
 Dirxam  qadimgi  Yunonistondagi  kumush  pul  birligi  -  draxma  /4,25-4,33 
gramm/ so‘zining arabcha talaffuzidir. Buxoroda 3,36-3,5 gramm Xorazmda 3,185 
gramm hisoblangan. 
 Misqol  -  4  dan  5  gacha  bo‘lgan  og‘irlikni  bildirgan  O‘rta  Osiyoga 
arablardan o‘tgan: arablar esa uni rimliklardan qabul qilganlar. Samarqandda 4,46 
g.  Xorazmda  4,53-4,55g.  Buxoroda  4,8-5,0  g.  bir  miskol  hisoblangan.  Farg‘ona 
vodiysida bir misqol 4,55 g. XIX asrda 100 dona arpa vazniga teng bo‘lgan. 
 Paysa  -  Farg‘ona  vodiysida  keng  qo‘llangan.  XIX  asrda  Xo‘jand, 
Namangan,  Qo‘qon  atroflarida  bir  paysa  25,6  g.,  ba‘zi  joylarda  23  gramm,  yana 
boshqa joylarda 31,85 gramm, Toshkentda esa 33,3 grammga teng bo‘lgan. 
 Ser  /sir/-  Movarounnaxrda  keng  tarqalgan  o‘lchov  birliklaridan.  Hamma 
joyda botmon /mann/ning 1/40 qismiga teng hisoblangan. 
 Chaksa - Farg‘ona vodiysida keng qo‘llanilgan. Xo‘jand atrofida 2,5 qadok, 
ya‘ni  1,024  kg,  Namanganda  5,3  kg,  Qo‘qonda  4,6  kg  yoki  5,1  kg  bir  chaksa 
hisoblangan. "Chumchuq semirsa, chaksa bo‘lmas" degan matal bor. 
 Chorak  -  chorak  /chayrak/  Biron  narsaning.  1/4  qismi  degan  ma‘noni 
bildiradi. Samarqandda Buxoro tomonlarda bir pudning. 1/4 qismi - 4,1088 kg-bir 
chorak yoki katta chorak deyilgan, kichik chorak esa 2 kg chamasida bo‘lgan. 
 Kirot-karat-bu  so‘z  asli  yunonchadir.  Arablarga  kirot,  italyanlarda  karato, 
ruslarda  karat  shaklida  qo‘llangan.  Odatda  javohirlar,  jumlasidan,  olmos  karat 

---

 
134 
bilan  o‘lchangan.  Xalqaro  kelishuvga  ko‘ra  bir  karat  200  mg/bir  grammning 
beshdan bir qismi/ga teng. 
 Bulardan tashqari O‘rta Osiyoda arpa /0,05 g./ kadok /409,5 g./  kop /4 pud 
yoki 8 pud/ naxud-kursat / 0,2 g./ piyola-tovoq /4-16 kg kabi vazn o‘lchovlari ham 
amalda bo‘lgan.