О‘zbekiston Respublikasi Oliy va о‘rta maxsus ta’lim vazirligi Nizomiy nomidagi Toshkent davlat pedagogika universiteti

Танганинг майдони – танганинг ёзувлар ва тасвирлар билан банд бўлмаган олд ва орқа томонининг юзаси.
Номинал – танга қиймати. Нумизматик адабиётларда маълум қийматга эга бўлган тангани билдиради.
Ҳисоб пул бирлиги – ҳисоблашда ишлатилади, аммо тангада ўзининг буюм шаклига эга эмас.
Танга тўплами - маълум металл оғирлигига эга бўлган тангалар миқдори.
Тангани синаш – (проба монети) - қимматбаҳо металл массасининг тангани умумий массасига нисбати.
Танганинг бузилиши – танга таркибида қимматбаҳо металлни танганинг оғирлигини камайтирган ҳолда қисқартириш.
Лигатура – олтин ва кумуш қуймаларга ноқимматбаҳо металларнинг аралаштирилиши.
Танганинг чети, қирғоғи – горизонтал чизиқ. Танганинг қуйи қисмини танганинг асосий майдонидан ажратиб туради.
“Гурт” - танга қиррасига айтилади.
Танга тури (монетний тип) – тангадаги барча ёзув ва белгилар мажмуаси. Қадимги тарихчилар Геродот ва Ксенофонт асарларидан маълумки, илк тангалар олтин ва кумушнинг табиий қотишмаси (электра)дан бўлиб, Кичик Осиёдаги Лидия давлатида милоддан аввалги ВИИ асрда зарб этилган. Аммо мустақил равишда Юнонистондаги Эгина шаҳрида, Хитой ва Ҳиндистонда ҳам тангалар зарб этиш ихтиро қилинди. Уларнинг кўриниши содда бўлиб, дастлаб айрим чизгилар билан безатилган, сўнгра секин-аста турли хил жонзотларни (тошбақа, укки, денгиз мушуги, балиқ ва ҳоказо) тасвирлашга ўтилган. Бунда акс эттирилган жонзот, унинг номи, шаҳар туғроси ёки номи билан ҳамоҳанглигидан келиб чиқиб иш тутилган.
Қадимги Юнонистон тангаларини даврлаштириш.
Дастлаб Грецияда танга тушунчаси бўлмай, ўрнига товар айирбошлаш воситаси орқали савдо қилар эдилар. Дастлаб Эллада ўлкасида орол давлат бўлган Эгина Лидияга яқин бўлганлиги сабабли, яъни Лидия электрон тангалари билан таниш бўлганлиги сабабли улар биринчи бор танга зарб қилишни йўлга қўйдилар. Бу тангаларнинг ташқи кўриниши борасида олимлар иккиланувчи фикрлар айтишган. Айримлари танга таркибидаги металлга қараб Лидияликлар билан савдо натижа қилиш орқали пайдо бўлган деган фикр мавжуд бўлса, бир томондан танганинг маҳаллий келиб чиқиши жиҳатидан маҳаллий равишда шу заминда пайдо бўлган деган фикр ҳам йўқ эмас.