О‘zbekiston Respublikasi Oliy va о‘rta maxsus ta’lim vazirligi Nizomiy nomidagi Toshkent davlat pedagogika universiteti

Sirtqi (maxsus sirtqi) bо‘lim
boshlig‘i SH.S.Abduraimov

15-Вариант: Сиртқи (махсус сиртқи) бўлим талабалари учун "Ёрдамчи тарих фанлари" фанидан сессия оралиғи назорат иши топшириқлари

Фан: "Ёрдамчи тарих фанлари"
Мавзулар: Нумизматика 2-модул. 1- мавзу: Нумизматика Қадимги Юнонистон ва Рим тангалари
РЕЖА.

1. 
   Нумизматика фани, унинг мақсади ва вазифалари.
   
2. 
   Тангалар пайдо бўлгунча айрибошлаш воситаси бўлиб хизмат қилган нарсалар. Товар айирбошлашнинг вужудга келиши
   
3. 
   Дастлабки тангалар
   
4. 
   Қадимги Юнонистон тангаларини даврлаштириш.
   
5. 
   Қадимги Рим тангалари.
   

Назорат иши топшириқларининг асосий мақсади: Ўрта ва ўрта махсус таълим тизими учун Нумизматика фани, унинг мақсади ва вазифалари хақида тушунчага эга бўлиш.
Назарий маълумотлар.
Талабалар онгида "Ёрдамчи тарих фанлари" бўйича олган билимларининг яхлит мужассамлашган моделини шакллантириш, уларни чуқурлаштириш амалда синаб кўриш мақсадида "Ёрдамчи тарих фанлари" фани бўйича сессия оралиғи назорат иши топшириқлари тақдим этилади. Талабаларнинг "Ёрдамчи тарих фанлари"дан олган назарий билимларини амалда қўллаш ва синаш, уларни келгуси ўқитувчилик фаолиятида керак бўлган Нумизматика фани бўйича билим, амалий кўникма ва малакалар билан қуроллантириш мазкур тайёрланган сессия оралиғи назорат иши топшириқлари тўпламида ўз аксини топган.


Нумизматика фани, унинг мақсади ва вазифалари.
Нумизматика - тангалар хақидаги фандир. У лотинча “нумисма” сўзидан олинган бўлиб, танга маъносини билдиради. Нумизматлар тангалардаги расмлар (тип), ёзувлар (изоҳ), уларнинг оғирлиги, ўлчами, металл сифати, ким томонидан зарб этилганлиги, қачон ва қаерда муомалада бўлганлиги кабиларни ўрганадилар. Нумизматик изланиш асосида тангалардан тарих ва маданиятга оид бўлган маълумотларни аниқлаш мумкин. Қоғоз пулларни бонистика ўрганади.
Танга - бу белгиланган нормадаги металл қуймаси. У ўзининг оғирлиги, қийматига, сифат таркибига эга бўлган қонуний муомала воситаси ҳисобланади.
Пул, қиймат ўлчови, муомала воситаси, хазина тўплаш, тўлов воситаси, жаҳон пули вазифаларини бажаради. Тангалар фаннинг турли соҳалари, жумладан тарих, археология, сиёсий иқтисод, тилшунослик санъатшуносликка оид масалаларни ҳал этишга ёрдам беради.