O`zbekiston respublikasi oliy va o`rta maxsus ta’lim vazirligi namangan davlat universiteti qo`lyozma xuquqida

II bob bo’yicha xulosa
J. Svift “Gulliverning sayohatlari” asarida qahramonning kasbini, ish hunarini, u tashrif buyurgan yangi joylarni tanishtirishda va shu yerlik aholining tili, madaniyati, davlat boshqaruvi, urf-odatlari hamda erishgan yutuqlarini tasvirlashda ko’plab atamalardan foydalangan. Ular quyidagilardan iborat:

• 
  Navigatsiyaga oid atamalar;
  
• 
  Harbiylikka oid atamalar;
  
• 
  Musiqaga oid atamalar;
  
• 
  Matematikaga oid atamalar;
  
• 
  Dehqonchilikka oid atamalar;
  
• 
  Astronomiyaga oid atamalar;
  
• 
  Geografiyaga oid atamalar;
  
• 
  Davlat boshqaruviga oid atamalar;
  
• 
  Tarixga oid atamalar;
  
• 
  Savdoga oid atamalar.
  

“Gulliverning sayohatlari” asari yozilganligiga sal kam 300 yil bo’lganligi va uni qayta-qayta nashr etilganligi sababli undagi ko’p so’zlar arxaizmlarga aylanib ulgurgan yohud yozuvchi Svift tomonidan asar qahramoni Gulliverni ziyoli kishi sifatida ko’rsatish maqsadida bir qator eskirgan va hashamdor so’zlardan qo’llangan. Asarda nafaqat bo’yog’dor so’zlar, balki arxaizmlarni ham juda ko’p uchratamiz. Bizga ma’lumki, ingliz tilida arxaizmlarning ya’ni so’zlarning eskirishini uch bosqichi mavjud. Ular quyidagilardan iborat: eskirayotgan so’zlar (obsolescent words), eskirgan so’zlar (obsolete words);, arxaik nomlar (archaic proper). “Gulliverning sayohatlari” asarida har uch turdagi arxaizmlarni uchratish mumkin.
Ingliz adabiyotida hech bir yozuvchi o’z asarida butunlay yangi so’zlarni Jonatan Sviftdek ko’p kashf etolmagan. Gigantlar va mitti odamchalar kabi g’ayrioddiy narsalar haqida hikoya qiluvchi mazkur asarda muallif mavzularning hayoliy-fantastik bo’lganligi sababli bir qator ingliz tili uchun mutlaqo yangi so’zlarni o’ylab topadi. Svift so’zlarni kashf qilishda so’z o’yini, anagramma va til o’yinlaridan foydalandi. Umuman olganda, ular ma’nosiz so’zlar bo’lsa-da kitobxonga zavq-shavq bag’ishlaydi. Hatto bu so’zlarning ayrimlari keyinchalik ingliz tilida qo’llana boshlandi.