Oʼzbekiston Respublikasi Oliy va Oʼrta maxsus taʼlim vazirligi Namangan davlat universiteti, Yuridik fakulteti

Shavkat Mirziyoev

Yigʼilishda maʼnaviy-maʼrifiy ishlarni sifat mazmun jihatidan yangi bosqichga koʼtarish chora-tadbirlari belgilangan.

Maʼlumki, hozirgi paytda maʼnaviyat targʼiboti bilan oʼnlab tashkilotlar shugʼullanadi. Lekin, ularning faoliyati aniq muvofiqlashtirilmayotgani, yagona tizimga birlashmagani sababli bir-birini takrorlash holatlari kuzatilmoqda. Bundan buyon Respublika Maʼnaviyat va maʼrifat markazi barcha hududiy kengashlarning, vazirlik, idora va tashkilotlarning maʼnaviy-maʼrifiy faoliyatini muvofiqlashtirib borishi belgilangan.
Markaz va uning tizimidagi tashkilotlarning moddiy-texnik taʼminoti keskin kuchaytiriladi. Uning faoliyati ilmiy tadqiqot va targʼibot-tashviqot yoʼnalishlarida qayta tashkil qilinadi.
Shuningdek, maktablar, oʼrta maxsus va oliy taʼlim dargohlarida maʼnaviy-maʼrifiy ishlar samaradorligini oshirish boʼyicha koʼrsatmalar berildi. Barcha oliygoh va ularning filiallarida mavjud shtat birliklari doirasida yoshlar masalalari va maʼnaviy-maʼrifiy ishlar boʼyicha prorektor lavozimi joriy etilishi aytilgan.
Yigʼilishda mahallalarda ijtimoiy-maʼnaviy muhit barqarorligini taʼminlash masalalariga alohida eʼtibor qaratilgan. “Bir ziyoli – bir mahallaga maʼnaviy homiy” tamoyili asosida har bir mahallaga professor-oʼqituvchi va taniqli ziyolilar biriktirilishi maʼlum qilingan. Shuningdek, Toshkent shahar nuroniylarining tarbiyasi ogʼir, ishsiz yoshlarga koʼmaklashish boʼyicha tashabbusi qoʼllab-quvvatlangan.
Hududlar markazida namunaviy loyiha asosida maʼnaviyat va maʼrifat maskanlarini barpo etish, mahalliy byudjetlar hisobidan sohaga qoʼshimcha shtatlar ajratish boʼyicha koʼrsatma berilgan.

“Bugun hayot yangicha fikrlash va ishlash, milliy “aql markazlari”ni shakllantirishni talab etmoqda. Аfsuski, atrofdagi barcha siyosiy-ijtimoiy jarayonlarni chuqur tushunib, taʼsirchan tilda yetkazib beradigan tahlilchi va ekspertlarimiz juda kam. Bunday vaziyatda jamiyatni maʼnaviy tahdidlardan himoya qilish borasidagi ilmiy-amaliy tadqiqotlarni tubdan qayta koʼrib chiqish zarur. Shu maʼnoda, Maʼnaviyat va maʼrifat, “Taraqqiyot strategiyasi”, Islom sivilizatsiyasi markazlari, ijtimoiy-gumanitar yoʼnalishdagi tadqiqot institutlari haqiqiy “aql markazlari”ga aylanishi kerakligi taʼkidlandi”