Oʼzbekiston Respublikasi Oliy va Oʼrta maxsus taʼlim vazirligi Namangan davlat universiteti, Yuridik fakulteti

Prezident: «Maʼnaviyat kerakmi-yoʼqmi deb yurganlar ham yoʼq emas»
2021 yil 19 yanvar kuni Prezident Shavkat Mirziyoev maʼnaviyat masalalariga bagʼishlab oʼtkazilgan yigʼilishda milliy mafkura deganda nima tushunilishi haqida gapirib oʼtdi.
«Аfsuski, hali oramizda milliy gʼoyaning, maʼnaviyatning mohiyatini toʼliq anglab yetmaganlar, maʼnaviyat kerakmi-yoʼqmi deb yurganlar ham yoʼq emas.
Milliy gʼoya deganda eski sovet mafkurasini tasavvur qilib, labiga uchiq toshayotganlar ham yoʼq emas. Bu ham haqiqat.
Lekin agar mafkura odamiy boʼlsa, insonning huquq va erkinliklarini, uning qadr-qimmatini ulugʼlashga xizmat qilsa, nima uchun undan qoʼrqishimiz kerak?
Hamma harakatlarimizning asosi – xalqimizni rozi qilish. Shu munosabat bilan taʼkidlab aytmoqchiman, biz yaratayotgan Yangi Oʼzbekistonning mafkurasi – ezgulik, odamiylik, gumanizm gʼoyasi boʼladi.
Biz mafkura deganda avvalo fikr tarbiyasini, milliy va umuminsoniy qadriyatlar tarbiyasini tushunamiz.
Аlbatta, bu yuksak gʼoyalar osmondan tushmagan. Ular xalqimizning necha ming yillik hayotiy tushuncha va qadriyatlariga asoslangan», – dedi Shavkat Mirziyoev 19 yanvarь kungi selektorda.
Prezident pandemiya davrida Oʼzbekiston xalqi koʼrsatgan birdamlikni milliy qadriyatlarga bir misol sifatida eslab oʼtdi.



“Аgar jamiyat hayotining tanasi iqtisodiyot boʼlsa, uning joni va ruhi maʼnaviyatdir. Biz yangi Oʼzbekistonni barpo etishga qaror qilgan ekanmiz, ikkita mustahkam ustunga tayanamiz. Birinchisi – bozor tamoyillariga asoslangan kuchli iqtisodiyot. Ikkinchisi – ajdodlarimizning boy merosi va milliy qadriyatlarga asoslangan kuchli maʼnaviyat”,