O‘zbekiston respublikasi oliy va o‘rta maxsus ta’lim vazirligi namangan muxandislik-texnologiya instituti

Pechene, kreker va galetlarning sifati
ham boshqa qandolat mahsulotlarining sifati kabi 
organoleptik va fizik-kimyoviy ko’rsatkichlari asosida aniqlanadi. Pechenelarning organoleptik 
ko’rsatkichlariga shakli, yuzasi, rangi, ta’mi va hidi, sindirib ko’rilganda kesimining holati kabi 
ko’rsatkichlar kiradi. 
Pechenelarning shakli kvadrat, to’g’ri to’rtburchak, aylana, halqasimon, har xil shakllarda 
bo’lishi mumkin. Hamma hollarda ham shakli to’g’ri, pechenelar sinmagan, butun, shu 
mahsulotga xos bo’lishi kerak. 
Pechenelarning yuzasi har xil pechenelarda bir xil emas. Shakarli pechenelarning yuz 
tamoni silliq, ko’pchigan, uvoqlari yopishgan joyi, chuqurchalari bo’lmasligi kerak. Pechene 
yuzasidagi bezaklari aniq ko’rinib turishi talab etiladi. Galet va krekerlar yuzasida mayda 
yorilmagan pufakchalari, teshikchalari bo’lishiga yo’l qo’yiladi. 
Pechenelarning rangi hamma joyida bir xil, och-sariq rangdan tilla ranggacha bo’lishi 
kerak. 
Pechenelar sindirilib ko’rilganda yaxshi pishgan bo’lishi, g’ovakchalari bir xil, 
bo’shliqlar, yaxshi aralashmagan xamir qismlari bo’lmasligi kerak. Galet va krekerlar sindirib 
ko’rilganda qat-qat bo’lishi, g’ovaklari bir tekis bo’lmasligiga ruxsat etiladi. 
Pechenelarning ta’mi va hidi yoqimli, yaqqol sezilib turishi, shu mahsulot turiga mos 
bo’lishi, begona ta’m va hidlar bo’lmasligi kerak.