O‘zbekiston respublikasi oliy va o’rta maxsus ta’lim vazirligi navoiy davlat pedagogika instituti qo‘lyozma huquqida usmonova sohiba toyir qizi fizikani o‘qitishda kompyuter texnologiyalardan foydalanishning o‘rni

Tadqiqot obyekti: Respublika umumta’lim maktablari 9-sinflarida fizikani o‘qitish jarayoni.

Tadqiqot predmeti: 9-sinf o‘quvchilari fizikani o‘qitish jarayonida kompyuter texnologiyalaridan foydalanish.

Amaliy ahamiyati shundan iboratki, o‘qitishda kompyuter texnologiyalaridan foydalanish bo‘yicha ishlab chiqilgan metodik tavsiyalar o‘qituvchilarga kompyuterdan foydalanib mashg‘ulotlarni olib borishga yordam beradi va mashg‘ulotlar samaradorligini oshiradi.

Tadqiqot gipotezasi shundan iboratki, fizikani o‘qitishda kompyuter texnologiyalarini metodik jihatdan savodli qo‘llanilishi, predmetga bo‘lgan qiziqishni, o‘qitish jarayoniga jalb qilinishni, 9- sinf o‘quvchilarida fizikani o‘zlashtirish darajasini oshirish imkonini beradi.

Himoyaga olib chiqiladi:

- « Adobe Flash Professional », « Hot Potatoes”, “ ISpring”, “COURSE LAB” dasturlaridan foydalanish;

-«9-sinf uchun fizika bo‘yicha laboratoriya ishlari» virtual fizikaviy laboratoriyalar;

- 9-sinf fizika darslarida kompyuter texnologiyalarini qo‘llash bo‘yicha metodik tavsiyanomalar.

Magistrlik dissertatsiyasi strukturasi Kirish, 3 ta bob va 6 ta punkt, xulosa, foydalanilgan adabiyotlar ro‘yxatidan iborat bo‘lishi rejalashtirilmoqda. Birinchi bob «Fizikani o‘qitishda axborot-kommunikatsiya texnologiyalaridan foydalanishning nazariy metodologik asoslari» deb nomlanib, ushbu bobda quyidagi punktlar:

1. 
   Maktab fizikasini o‘qitishda kompyuter texnologiyalarini joriy etishning muammo va istiqbollarini tadqiq qilish;
   
2. 
   Fizika bo‘yicha kompyuterli dasturiy-metodik materiallarni tahlil qilish;
   

Ikkinchi bob «Fizika darslarida axborot kommunikatsiya texnologiyalarini qo‘llash» deb nomlanib, ushbu bobda quyidagi punktlar:

1. 
   Fizika o‘quv eksperimentlarida axborot texnologiyalari vositalaridan foydalanish;
   
2. 
   Fizik masalalarni echishda axborot kommunikatsiya texnologiyalari vositalaridan foydalanish;
   

Uchinchi bob «Fizika darslarida kompyuter texnologiyalarini qo‘llash bo‘yicha metodik tavsiyalar» deb nomlanib, ushbu bobda quyidagi punktlar: 3.1 9-sinf fizikasida kompyuterli laboratoriyalarini bajarish bo‘yicha tavsiyalar;

3.2. AKTdan foydalanib fizik masalalarni echish;