O’zbekiston respublikasi oliy va o’rta maxsus ta’lim vazirligi munira Jo’raqulovna Allayeva, Ziyovuddin Zaynutdinovich Hakimov, Soloy Ro’zimamatovich Ismailov, Salohiddin Djo’rayevich Aminov

Proton nasos ingibitorlari Omeprazol Lansoprazol Pantoprazol Rabeprazol			+
H2-gistamin retseptorlari blokatorlari Ranitidin Famotidin Nizatidin Simetidin
M-xolinoblokatorlar Pirenzepin Propantelin Atropin			+
Antatsid vositalar MgO CaCO3 Al(OH)3			+ +
Gastroprotektorlar Mizoprostol Sukralfat Karbenoksolon Bi trikaliy disitrat	+			+
Antibakterial vositalar Amoksitsillin Klaritromitsin Tetrasiklin Metronidazol

9.2-jadval. Me’da va 12 barmoq ichakning yara kasalligi farmakoterapiyasi. Qizil rangda asosiy effektlar berilgan. + bilan qo’shimcha ta’sirlar berilgan.
Karbenoksolon (biogastron) – siklik triterpen bo‘lib, chuchuk miya ildizidan ajralgan. Uning ta’sirida me’da shilliq qavatidan shilliq ishlab chiqishi ortadi. Uning qovushqoqligi yuqori bo‘lib, mustahkam himoya qavatini hosil qiladi. Bundan tashqari dori vosita ta’sirida PG larni parchalovchi ferment faolligi susayadi. So‘rilgan dori vositaning 90% qon zardobi oqsillari bilan bog‘lanadi, o‘t tarkibida ajralib ichakdan yana qonga so‘riladi (ichak-jigar retsirkulyatsiyasi). Asosan najas tarkibida ajraladi, peshob tarkibida faqat 1% ajraladi. Me’da yara xastaligida 12 barmoqli ichak yarasiga nisbatan samaradorligi yuqori. Karbenoksolon steroid tuzilishiga ega bo‘lganligidan mineralokortikoid faolligiga ega va Shuning uchun noxush ta’siri bor: organizmda suvni, Na⁺ ionlarini to‘planishi, shishlar paydo bo‘lishi, gipertenziya, gipokaliemiya. Spironolakton bu o‘zgarishlarni bartaraf etadi, lekin dori vositaning terapevtik ta’siri ham yo‘qoladi. Tiazid guruhidagi peshob haydovchi vositalar karbenoksalonning gastroprotektorlik xossasini susaytirmay, uning noxush ta’sirini bartaraf etadilar.
Umuman gastroprotektorlar tashqi jarohatlovchi omillar ta’siridan me’da va 12 barmoqli ichak yaralarini saqlab, ularning bitishiga qulay sharoitlar yaratadilar. Yaralarni bitishini tezlashtiruvchi (ya’ni reparatsiyani kuchaytiruvchi) vositalar ham me’da va 12 barmoqli ichak yarasi xastaligida ijobiy natija berishlari mumkin. Bunday dori vositalarga quyidagilar kiradi: oksiferriskarbon natriy, salkoseril, metiluratsil, vitamin U, anabolik steroidlar.