O‘zbekiston respublikasi oliy va o‘rta maxsus ta’lim vazirligi islom karimov nomli toshkent davlat texnika universiteti huzuridagi pedagog kadrlarni qayta tayyorlash va ularning malakasini oshirish tarmoq markazi

Malaka oshirish va sifat o‘zaro uyg‘unlashishi kerak

Ma’lumki, professional ta’lim tizimi rivoji rahbar va pedagog xodimlar malakasini oshirish qay darajada sifatli yo‘lga qo‘yilganiga ham bevosita bog‘liq. Tabiiyki, bu yangicha qarashlarni talab qiladi. Bugun tashlanayotgan har bir qadam ham mavjud muammo va kamchiliklarni bosqichma-bosqich bartaraf etish, ko‘zlangan maqsadga qisqa vaqt oralig‘ida erishishga xizmat qilishi lozim.

SHundan kelib chiqib, professional ta’lim tizimi boshqaruv hamda pedagog kadrlarni qayta tayyorlash, ularning malakasini oshirish tizimini tubdan takomillashtirish bo‘yicha takliflar ishlab chiqilib, hukumatga kiritildi.

O‘z navbatida, rahbar va pedagog xodimlar, kasbiy faoliyat natijalari qayd etishning elektron portfoliosi (ta’lim platformasi) tizimi yo‘lga qo‘yildi. SHunga asosan kasbiy faoliyat natijalari va erishgan yutuqlariga ­asosan rahbarlar hamda pedagog xodimlar muqobil, masofaviy, malaka oshirish ta’lim muassasalari va uyg‘unlashgan holda malaka oshirishga jalb qilinadilar.

Tabaqalashtirilgan malaka oshirishni tashkil etishdan ­asosiy maqsad esa rahbar va pedagog ­xodimlar faoliyatini rag‘batlantirish, ularning ishga bo‘lgan qiziqishlari hamda o‘z ustida izlanishlarini kuchaytirishdir.

SHu bilan bir qatorda, boshqaruv va pedagog kadr­larning ilmiy-pedagogik salohiyatidan kelib chiqib, ularning kasbiy ehtiyojlarini qondirishga yo‘naltirilgan uzluksiz malaka oshirish shakllarini mustaqil tanlash hamda o‘zlashtirish imkoniyati yaratiladi. SHuningdek, malaka oshirish o‘quv rejalariga bugungi zamon talablaridan kelib chiqqan holda va ­bosh­qaruv kadrlarining faoliyatini amalga oshirish uchun kerak bo‘ladigan yangi modullar kiritilib, bunda asosiy e’tibor ­amaliyotga qaratilayotir. O‘quv rejalardagi umumiy soatning kamida 70 foizi amaliy dars­larga ajratilgani shundan dalolatdir.

Qolaversa, institut negizida professional ta’lim tizimini raqamlashtirish laboratoriyasi tashkil etilyapti. Parallel ravishda professional ta’lim tizimining barcha turdagi me’yoriy va metodik mahsulotlarini ­yaratish, ishlab ­chiqilgan materiallarni ta’lim platformasida keng muhokamaga qo‘yish va yakuniy xulosalarga asosan tayyorlangan mahsulotlarni tajriba-sinov uchun amaliyotga kiritish bo‘yicha ham sa’y-harakatlar olib borilmoqda.