O‘zbekiston respublikasi oliy va o‘rta maxsus ta’lim vazirligi islom karimov nomli toshkent davlat texnika universiteti huzuridagi pedagog kadrlarni qayta tayyorlash va ularning malakasini oshirish tarmoq markazi

Xulosa

Takliflar

Foydalangan adabiyotlar

1 BOB. PROFESSIONAL TA’LIMDA DAVLAT SIYOSATI

Oliy va o‘rta maxsus ta’lim vazirligining Kasb-hunar ta’limi tizimini innovatsion rivojlantirish, pedagog kadrlarning malakasini oshirish va ularni qayta tayyorlash instituti aynan mazkur ­shiorni faoliyatining asosi sifatida belgilab olgan. Binobarin, nafaqat ta’lim muassasalari, balki umuman, sohada innovatsion muhit, yangi makon yaratish ishlari allaqachon ­boshlab yuborildi.

Xususan, tizimdagi rahbar va pedagog xodimlar uchun yangicha mezonlarda o‘quv kurslari tashkil etilyapti. Mazkur o‘quv yilida malaka oshirishning yangi yigirmaga yaqin modullari joriy qilinib, ular andragogika tamoyillariga asoslangani ham buning tasdig‘idir. Qolaversa, 200 dan ortiq vizuallashtirilgan va raqamlashtirilgan yangi elektron ta’lim resurslari bazasi yaratildi.

Institut ayni paytda kasb-hunar ta’limini innovatsion rivojlantirish hamda rahbar va pedagog kadrlarni qayta tayyorlash, malakasini oshirish yo‘nalishlarida faoliyat olib bormoqda. Bular professional ta’lim tizimini innovatsion rivojlantirishning qo‘sh qanotidir, desak, mubolag‘a bo‘lmaydi.

SHunga yarasha tizimni qisqa vaqt oralig‘ida rivojlantirish va jahon standartlariga to‘la mosligini ta’minlash maqsadida rivojlangan mamlakatlar hamda ­xalqaro tashkilotlarning ilg‘or tajribalari o‘rganilyapti. Mazkur jarayonda Germaniya, SHveysariya, Janubiy Koreya, Turkiya va Xitoy kabi davlatlar, YUNESKO, Britaniya Kengashi, Germaniya xalq­aro hamkorlik jamiyati, Osiyo taraqqiyot banki, Evropa ta’lim fondi, ­Turkiya hamkorlik agentligi, Xitoyning universitetlar uyushmasi kabi tashkilotlardan 200 dan ziyod nufuzli ekspertlar jalb etildi. Ulardan kerakli tajriba va xulosalar olindi.

Ayni chog‘da Belarusning Professional ta’lim respublika ins­tituti (RIPO) bilan professional ta’lim sifatini oshirish, milliy malaka tizimini joriy etish va WorldSkills standartlari asosida kadrlar tayyorlash yo‘nalishlarini qamrab olgan hamkorlik memorandumi imzolandi. O‘z navbatida, davlatimiz rahbarining xorijiy migrantlarni tayyorlash tizimini takomillashtirish bo‘yicha belgilab bergan vazifalari ijrosini ta’minlash maqsadida Rossiya xalqlar do‘stligi instituti (RUDN) bilan o‘zaro aloqalar yo‘lga qo‘yilib, O‘zbekistonda uning vakolatxonasi ochildi. Bu migrantlarga rus tilida muloqot qilish va rus tilida kasb o‘rgatish imkonini kengaytiradi.