O`zbekiston respublikasi oliy va o`rta maxsus ta`lim vazirligi guliston davlat universiteti

Birinchidan, endi yuridik shaxslar uni dastlabki to`lovsiz, akkreditiv ochmasdan, bank kafolatini rasmiylashtirmasdan hamda eksport shartnomasini siyosiy va tijorat xavflaridan sug`urta polisisiz eksport qilishlari mumkin.
Ikkinchidan, eksportdan tushumlarni o`z vaqtida ta`minlamagan tashkilotlar Nohalol meva-sabzavot mahsulotlari eksport qiluvchilar reestriga kiritiladilar. Ularni eksport qilishda ularga nisbatan 100 foizlik oldindan to`lov olish talablari qo`llaniladi.
Uchinchidan, tadbirkorlik sub`ektlari ulgurji savdo qilish litsenziyasiga ega bo`lmasdan meva-sabzavot mahsulotlarini eksport qilish huquqiga egadirlar. Yakka tartibdagi tadbirkorlar meva-sabzavot mahsulotlarini eksport qilishdan tushgan tushumdan YaST to`lashlari kerak bo`ladi.
To`rtinchidan, eksport qilinadigan meva-sabzavot mahsulotlari bojxona ko`rigidan o`tkazilmaydi, bojxona qonun hujjatlari buzilishi xavfi belgilari aniqlangan holatlar bundan mustasno. Bunda hujjatlarda mavjud ma`lumotlarning ishonchliligi, shuningdek tovarlarni bojxona chegarasidan noqonuniy olib o`tish uchun eksport qiluvchi javobgar bo`ladi. 
Beshinchidan, tadbirkorlik sub`ektlari o`zlariga ajratilgan er uchastkalarida meva-sabzavot mahsulotlarini bevosita ularni etishtirish joylarida sug`orish, tayyorlash va saqlash bo`yicha infratuzilma ob`ektlari qurish uchun engil konstruktsiyalarni qurishlari mumkin. Aniq tartib keyinroq tasdiqlanadi.
Tashqi savdo vazirligi meva-sabzavot mahsulotlari eksporti sohasidagi faoliyatni muvofiqlashtiradi, eksport qiluvchilarga sotish bozorlarini izlashda yordam beradi, ular bilan har oyda uchrashuvlar o`tkazadi. Meva-sabzavot mahsulotlari etishtiruvchilar hamda eksport qiluvchilar O`zbekiston meva-sabzavot mahsulotlarini eksport qiluvchilar uyushmasiga birlashadilar. Bunda ularga SSP, Adliya vazirligi va biznes-ombudsman ko`mak beradi.
Meva-sabzavot mahsulotlarini eksport qiluvchilar axborot portali ishga tushiriladi. U «TradeUzbekistan.com» elektron savdo maydonchasi, DSQ va DBQ axborot tizimlari bilan integratsiyalanadi. Portal meva-sabzavot mahsulotlari etishtiruvchilar va eksport qiluvchilar, salohiyatli import qiluvchilar va h.k. to`g`risida axborot olish, shuningdek eksport jarayonining barcha bosqichlarini real vaqt rejimida kuzatish imkonini beradi.