O‘zbekiston respublikasi oliy va o’rta maxsus ta’lim vazirligi farg’ona davlat

1) Demokratik rejim. Xalq hokimiyatchiligi ikki shaklga ega: vakillik demokratiyasi va bevosita demokratiya.
a) Vakillik demokratiyasi – xalqning o’z hokimiyatini vakillik idoralari, ya’ni demokratik hokimiyat va mahalliy o’zini-o’zi boshqarish idoralarining saylab qo’yiladigan organlari orqali amalga oshirilishini bildiradi.
b) Bevosita demokratiya – xalqning demokratik hokimiyat masalalarini hal etishda umumxalq ovoz berishi (referendum) yo’li bilan to’g’ridan-to’g’ri ishtirok etishi.
2) Antidemokratik rejim (demokratiyaga zid rejim)da davlat idoralari hokimiyatni amalga oshirish chog’ida demokratiya printsiplari va qoidalariga rioya etmaydilar, ularni doimo yoki tez-tez buzadilar.
Davlatning vazifalari: mamlakatning normal rivojlanishini ta’minlash hisoblanadi. Bu fuqarolarning huquq, erkinliklari va xavfsizligini ta’minlash, iqtisodni tashkil qilish natijasida farovon hayot yaratish demakdir. Mamlakat xavfsizligini ta’minlash ham davlatning vazifasidir. Davlat o’z vazifasini bajarish jarayonida chet mamlakatlar bilan aloqalar o’rnatadi va o’z fuqarolari manfaatini chet mamlakatlarda ham himoya qiladi. (Konstitutsiyaviy huquq. T.: «Akademiya», 2001, 31-bet). SHu bilan birga davlat hokimiyati mamlakatda ijtimoiy tartibni saqlaydi, fuqarolarning totuvligini, davlatning bir butunligini ta’minlab, uni ichki va tashqaridan bo’ladigan hujumlardan himoya qiladi, xorijiy mamlakatlar bilan aloqalarni mustahkamlaydi va boshqa vazifalarni bajaradi.
Davlat hokimiyati vazifalari ichki va tashqi funktsiyalarga bo’linadi:
1) Davlatning ichki funktsiyalari davlat ichki hayotini boshqarishga qaratilgan faoliyatning asosiy yo’nalishlaridir. Ichki funktsiyaga quyidagilar kiradi:
a) Regulyativ (tartibga solish, boshqarish) – mamlakatda ishlab chiqarish va ijtimoiy munosabatlarni tartibga solish.
b) Ko’riqlash (saqlash, muhofaza qilish) – qarama-qarshi kuchlar qarshiligini bostirish. Ichki xavfni bartaraf etish.
v) Ijtimoiy himoya, buyruqbozlikning oldini olish, huquq tartibotini ta’minlash yoki fuqarolar totuvligini saqlash.
g) Ma’naviy-mafkuraviy faoliyatni, siyosiy ongni shakllantirish.