Oʼzbekiston respublikаsi oliy vа oʼrtа mаxsus tа’lim vаzirligi fаrgʼonа politexnikа instituti

АMALIY MASHGʼULOT №2

(2-soat)

Mаvzu: Taʼmirlash va montaj qilishda texnik xujjatlar bilan tanishish. Defekt qaydnomasi haqida tushunchaga ega boʼlish va uni tuzish.
Barcha montaj ishlari texnik xujjatlarga asoslanib olib boriladi. Xujjatlar: birlamchi, ijro qilinuvchi (oraliq) va ishni topshirish xujjatlariga boʼlinadi.

Birlamchi xujjatlar. Har qanday yangi qurilish yoki qayta tiklash ishlari avvaldan tuzilgan va tasdiqlangan loyihaga mos ravishda oʼtkaziladi. Yirik obyektlar maxsus topshiriq boʼyicha loyihalash tashkilotlari tomonidan loyihalanadi. Ushbu tashkilotlar bu soha obyektlarini loyihalashda ixtisoslashgan boʼlishi kerak.

Bir bosqichli loyihalashda buyurtmachiga texnik – ishchi deb ataluvchi loyiha beriladi. Yirik obyektlar ikki bosqichda loyihalanadi – texnik loyiha va ishchi chizmalar. Texnik loyiha (birinchi bosqich) barcha masalalarni aniq ishlab chiqish va ularni yechilishini oʼz ichiga oladi. Ishchi chizmalar (ikkinchi bosqich) aniqlangan va tasdiqlangan texnik loyiha asosida tuziladi. Birlamchi xujjatlarga montaj texnologiyasi loyihalari ham kiradi.