Oʼzbekiston respublikаsi oliy vа oʼrtа mаxsus tа’lim vаzirligi fаrgʼonа politexnikа instituti

Sanoat mashina va jihozlariga texnik xizmat koʼrsatish hamda taʼmirlashni tashkil qilish
Rejali – ogohlantiruvchi taʼmirlash tizimi.

Har qanday mashina va jihozlar ularni ishlatish jarayonida turli xildagi texnik xizmat koʼrsatish va taʼmirlashga muhtoj boʼladi. Shuning uchun ham rejali – ogohlantiruvchi taʼmirlash tizimi boʼyicha mashina va jihozlarga texnik xizmat koʼrsatish va rejali taʼmirlash ishlari koʼzda tutiladi.

Texnik xizmat koʼrsatish ishlatilayotgan yoki saqlanayotgan mashina va jihozlarning puxtaligini, ishga tayyorligini saqlab turishga qaratilgan tashkiliy va texnik tadbirlardir. Texnik xizmat koʼrsatishga jihozlarning ish qobiliyatini bevosita taʼminlash (profilaktika, joriy taʼmirlash, sinashtadbirlari), shuningdek, dastlabki texnik tayyorgarlikning aniq tadbirlari (detallar teshiklarini razvyortkalash, rostlash, zapravka qilish, moylash va boshqalar) kabi ishlar kirib, bunda alohida uzel va agregatlarning koʼpchiligi yechilmay yoki ajratilmay sozlanadi. Texnik xizmat koʼrsatishning asosiy parametrlari xizmat qiluvchi xodimlar soni, ehtiyot qism elementlarining soni va vaqt koʼrsatkichlaridir.

Remont (fransuzcha “remonter” soʼzidan – toʼgʼrilash, toʼldirish, qayta yigʼish) – texnika qurilmalarining ishga yaroqliligini tiklash uchun oʼtkaziladigan tashkiliy va texnika tadbirlari majmuidir. Remontning joriy va kapital xillari bor. Joriy remontda mashina va uskunalarning ishlash jarayonida ularda sodir boʼladigan ishlamay qolishliklar va kamchiliklar bartaraf etiladi. Kapital remontda ishlash imkoniyatini qisman yoki toʼla yoʼqotgan mashina va jihozlar tiklanadi.